فوق هام السحب ( الشعر الشعبي) على متن القوافي

‏الوصل مثل الطب .. و البعد قتّال
بآنـبـّـهـك دام الله اليوم جـآبـك

دامك تعرف ان غيبتك تدمر الحال
لاعاد تبطي وآنجني من عذابك

.......

اعوذ بالله من شدات بعض الهموم
وقهر بعض الاوادم في لقى بعضها

وخذلة الاخ والصاحب بوقت اللزوم
والحاجه اللي تحط الجيد في ارضها

.......

‏‌أتحسبُ أننِي أنسَى هوانا
وذِي روحي تُنبِّأُ عن حَنِيني

يمُرُّ العابِرونَ على فؤادي
وأَيْمُ اللهِ إنك في وَتِينِي‌

رمَانِي من لِحاظِكَ سهمُ عشقِ
نَمَا في خافقي كالياسَمينِ

أحبكَ أنتَ تسكنُ في الحَنايا
وفي الأحداقِ تسكنُ في عيوني

.......

‎

‏طريت في بالي ،، وفجأه تبسمت !
‏وغمَّضت من لذّة خيالك : عيوني

‏الليل والذكرى وطاريك والصمت
‏هـالأربعه فـي غيـبتك سـامـروني

.......

ماني بمجبور اتعايش بوجـهين
‏وجهي وحيد و جايز لي مصبه

‏اللي ما يملا العين ما يسكن العين
‏و اللي أحبه يدري اني أحبـه

.......

يا مساء الود والورد وشذاه
للجميع بدون مااسمي احد

كل شخص مره الحرف وقراه
ياعسى يومه تباشير وسعد

مع الهم والهوجاس والضيق رايح جاي
صبرت وتمادت ضيقتي وانقضى صبري

اعزم واعقد الراي وارجع واحل الراي
ياعاشق طلوع النور منت بعلى خبري

اعرف الرفيق اللي يوقف على يمناي
واعرف الرفيق اللي يوقف على قبري

واعرف اليدين اللي تسابق لـ قطع رشاي
واعرف اليدين اللي تسابق على جبري


.......

اليوم في ها الزمن ما عد به ذمه
في الناس تذكر ولا باقي بهم طيبه

ما باقي الا الردي والاش ...والخمه
إلي مقابل ..مثلهم عندي ...مصيبه

على الردى بالمجالس دوم ملتمه
هرج القفى طبعها والذم والغيبه

ما خافت الله ولا في قلوبها ذمه
وحق الخوي عندهم تجهل مواجيبه


صالح القريني

ترى الكرامه راس مال الرياجيل
ويا نعنبو رجلً بليا كرامه

ماينحسب رجال ضمن المشاكيل
حتيش لو يلبس عقال وعمامه


مشعل عيد البقمي

يالله انك لاتحوج اللي بغاله حاجه
غير لك ياعالم الحاجات ياقاضيها

عد ما لبوا نداك وحجوا الحجاجه
وصلت الامه على من للتقى هاديها

ردنا للحق واجعلنا هله وسراجه
واكسر اعدانا من اولها ليا تاليها


مقبل ذعار