فوق هام السحب ( الشعر الشعبي) على متن القوافي

‏على فكري الخصب وعلى أحساسي اللوام
‏وعلى راسي الصلب وعلى قلبي الليّن
‏⠀⠀
‏يمر الشعور المرّ ماهو مرور إكرام
‏مثل قسوة التأنيب في خلوة الديّن
‏⠀⠀
‏على هامش أحداث الحياه أحسب الأيام
‏لو أن ماني بـ مزعوج من شيٍ معيّن
‏⠀⠀
‏سقى الله يوم أن العمر رحلة استجمام
‏قبل يصغر الحلم وقبل يكبر الهيّن

.......

يا الهي لاتدع قلبي .. رهين ذنوبي
ولاتذرني فرد بين العالم المنجنه

الطف بحالي لاحط ابليس دوبه دوبي
ياما صدقته .. وانا اكثر من تعوذ منه

لو اقصر بـ الفروض ، ولو اطول ثوبي
ان نسيت النار ماعمري نسيت الجنه

.......

الحلم .. يشبه ظلام الليل والقمره
‏تعيش متأمله .. وتموت ما جيته

‏يعني .. ليا طاب حظّك في العمر مرّه
‏ما هو ضروري يجيك اللي تمنيته

.......

‏في غيبتك دآيـم أردد مـع النـوم
‏بيتٍ ذبحني بالشرآييـن سـاري

‏ي غآيبٍ عنّي تـرى للبطـى لـوم
‏لا شآفتك عيني و لا جبـت طـآري

.......

يـسوق روحـي شوقها والوله سوق
نحوك وحولك يدرج القلب ويحوم

راقــي وكـلك ذوق واطـلالتك ذوق
والذوق لولاك انت يا الذوق معدوم

ولولاك ما قاسيت من لوعة الشوق
الــي حــرم عـيـناي مـن لـذة الـنوم


.......

بعض السوالف مثل سم الثعابين
وطعم العسل معروف للي يذوقه

والكلمه اللي مثل حد السكاكين
تقضي غرضها لين تنزف عروقه

ياشينها لن جات من ناس غالين
زلة لسانٍ بالهنادي سبوقه

قول المثل علمٍ عليه البراهين
اليا انتثر دمها ماتقدر تحوقه

صهيب السلمي

لو غبت عن عيني دقائق لك اشتاق
واللحضه بغـيابك تمر كنها عـام

اشتاق لك شوقين عواصف واحراق
واتخايلك عبر الحقيقه والاوهام

واحــن كـالزلزال مـن وسـط الاعماق
وانتج من اشــواقي حكايات وافلام

واعزف غرامك في حروفي والاوراق
بالحان ترسل لك على الخاص والعام


.......

يامرحبا يوم جيتي ياشبيه القمر
‏يامنوة العاشقين وعزوة اخوانها

‏يادرة ماتحصل وسط جوف البحر
‏ويالمهره اللي وهبني ربي اعنانها

‏ماأختارت من العيون الا عيون الصقر
‏يوم ربي عطاها زين حجانها

‏مرات اقول اني بحاجة لشمس الظهر
‏وان اقبلت قال قلبي عانها عانها

.......

‏يا غافر الذنب يا معطي ولا لك شوير
يا الواحد العالم الأوْحد عظيم الجلال

جلا جلالك آله الكون وانت الكبير
يا موجد المستحيل ولا تعرف المحال

رجواي عفوك وانا عبدك ضعيف وصغير
وانت الغفور الحليم ولا انقطع بك آمال

.......

‏استغفر الله كلما اصبحت وامسيت
وعلى مدار الثانيه والدقيه

استغفر الله كلما غفيت وصحيت
علاقتك تبقا بربك وثيقه

استغفر الله داخل وخارج البيت
وصفة دوا تحميك من كل ضيقه

استغفر الله كلما رحت او جيت
زاد القلوب الطيبات الرقيقه

.......