اخترنا لكم

‏على وجهك الراضي بدت لي الحياه تزين
‏لك الشكر من قلبي على وجهك الراضي

‏تفكر في وجهي وأسمع اللي أقوله زين
‏حيـاةٍ بدونك والله انها على الفاضي

.....

‏خذتني الذكريات وجيت لك سيراً على الاحلام
‏لو اني ما اذكر اني قلت لك بمشي وقلتي وين

‏يا فرصة عمر كيف افرح بها واعيشها مادام
‏بغمضة عين جات وسافرت عني بغمضة عين

‏ذكرتك وابتسمت وبانت الدمعه ولا تنلام
‏ذكرت احلى الليالي من شهر سته لشهر اثنين

.....

‏تباهى بي على ركب الحياة وجرّة المنقود
‏ تباهى والصباح يبّث نوره من تلفّاتك

‏حبيبي لا تقول إن الرضا والجود فالماجود
‏وأنا ثلثين عمري ضيّعته من بسمة شفاتك

‏ أنا ظلّك وأنا كلّك وأنا مشوارك المعهود
‏من أضغاث الحياة القاسية لأحضان ضحكاتك

‏طاحت من عيون الليالي طموحات
‏واشتد برد ولاح للشوق بارق

‏كن الشتاء مخلوق للحب بالذات
‏وكن الفصول الباقيه للمفارق

.....

‏اكثر قلوب الاوادم رهينة مغريات
‏الحظيظ اللي لا قفى ترك فيها وسم

‏يابعد من راحت سنين لكن يوم جات
‏جات ما معها غنيمه ولا معها قسم

.....

‏مانيب مجبور أخاطب على قد العقول
‏والله إن بعض القناعات عندي مهمله

‏الكلام تشوفه الناس حل من الحلول
‏مثل ما أشوف التجاهل يحل المشكله

.....

‏مانـي بشاكـي لك عقب يوم فرقـاك
‏ياللي معك ماتت جميـع امنيـاتي

‏وايامـي اللي عشتـها قبل ويـاك
‏ايـام تبقى خالـده في حياتـي

.....

‏لا تاخذك لهفة العالم على الإنفتاح
‏مرت على غيرك اللي توها مرتك

‏ماكل حبٍ يجي منه سلام وصلاح
‏أحيانًا الناس لا من حبتك ضرتك

.....

ثنتين والثالثه من نظرة أعيانه
‏والرابعه من كلامه حين يبدي به

‏حلو بشكله وحلو بمنطق لسانه
‏مثل العسل عند دكتور يداوي به

كن العسل منطقه واللّول بأسنانه
‏ومجدلاتٍ تدق ليا عراقيبه

.....

‏ما طمعنا غير في طاعة الله والصلاه
وخوّة اللي خوّته مايجي فيها ردى

الكفو نقدّر جنابه ولا ينقص غلاه
والجمايل بين الاجواد ماتذهب سدى

.....