فوق هام السحب ( الشعر الشعبي) على متن القوافي

والله .. ما عطيتك هزال المواثيق
ولا يصيبك من وفاي .. استداره

مازلت .. متعلق معي فِ المعاليق
رغم الغياب اللي صلاني .. بناره

.....

عليك السلام ورحمة الله والرضوان
ياقلبٌ تعب واخفى عن العالم اوجاعه

يذوق الالم ومكابد الضيق والّاحزان
ولا يشتكي لو تلوي الضيقه ذراعه

توشح بصبر ايوب والصمت له عنوان
ولا غيرت ضيقات الايام بـ اطباعه

......

ارهقت نفسي بانتظارك و لا جيت
و الناس حولي شافت الشوق فيني

لا مرني بيتٍ عن الحب صديت
شعرٍ جرحني و زاد فيني حنيني

......

التغاضي فيه مكسب والعتاب مخسّر
والعرب فيها من الصكات ما يكفيها

ومن نوى عسر الدروب يفوته المتيسّر
والكلام الزين يرضي الناس ويشفّيها

......

ماشلع قلبي وطير معه خمسه ضلوع
غير عين تطرح الطير من سابع سما

كل ما ناظرتها قلت يابخت الدموع
الدموع الي تبختر على خد طخما

......

‏إن طارت طيور السماء بأرزاقها
‏أرزاقنا من عند ربي ما تطير

‏النفس يكفل رزقها خلّاقها
‏واللي كتبه الله على خلقه يصير

......

‏لويلبسون اغلى ملابس على العيد
‏ويزيدوا الكشخه بلبس الجواهر

‏ينقص حلاهم في حضورك ولا يفيد
‏اللبس ولكشخه وكثر المظاهر

‏تبقين انتي شيخة الحسن والغيد
‏وجمالك الطاغي على وجه طاهر

‏ ‌......

يا سحايب شوق ودي للحبيـب
السـلام وبلغيــه احلـى مســاء

غيركم م ماله في الطيب نصيب
ما يطيـب ولو قسي زدنا قســى

هـو غـريب وانا في عينه غــريب
مفـلسآ منـي وانا منــه افلســـا

مثل صايح في الخلاء ماله مجيب
في عجاج الصيف ورمال الحــسا

‎......

‏يا صباح الخير والدنيا عوافي
‏ابتسم وابدا صباحك وأنت رايق
‏
دامها تشرق ودام الجو صافي
‏أذكر الله واشكره لو كنت ضايق
‏

‏ياصاحبي في وقفتك كيف اجازيك
‏ وانا ادري انّك ماتدوّر عوضها

‏ مايجعل الأحرار مثل المماليك
‏ إلاّ معاريف الرجال افْبعضها

.....