اخترنا لكم شعر نبطي وفصيح

من بدينا والبلد هذه بلدنا
ثابتٍ في قلوبنا دايم غلاها

السنين موثقة على عهدنـا
ما جحدنا خيرها ولا عطاها💚

دام عزك ياوطن

اطلب من الله عسى انك دوم متهني
في دارك اللي إلهي بك مهنيها

وعساك دايم بقلبي تحسن الظني
ياشمس داري وبدر في لياليهـا

.....

عليك بالتقوى ترى العز بالدين
ولا فيه شيٍ ينْفعكًْ غير دينك

ََالموت ماخلى ملوك وسلاطين
ولابد من يومٍ تشوفه بعينك
َ
لو كان تملك في رصيدك ملايين
غير العمل مافيه شيٍ يعينك

وان كان تبغى لك معزه وتمكين
لا تّتْبعْ الشيطان دربه يهينك

.....

لا تشتري ميزان وتوزن به الناس
الـناس ما يوزنها إلا الشـدايـد

عند الشدايد كل مخلوق ينقاس
وتـرجـح الكفـات لاهل العوايد

.....

سامح ويا ما أحلى الرضى والتسامح
درب التسامح يجمع الناس بالناس

إن جيت لأصحابك بزين الملامح
لقيت من يلقاك في نفس الإحساس

.....

‏نفوسنا سمحه ونياتنا بيض
واللي يجي بقلوبنا بـألسنتنا

نقول قول الحق لو انه يغيض
هذي معادنا وهذي سمتنا

.....

العيدُ أجملُ ما يكون إذا رأت
‏عينايَ من أهوى بأحسَنِ حالِ

‏من أجلهِم فرَحي وأعيادي لهُم
‏الحاضِرون على الدَّوام بِبالي

الحمدان

ترا جمال الشخص في حسن الاخلاق
وشخصٍ بدون اخلاق ماله محبه

لو تختلف عند العرب بعض الاذواق
تلقى خفيف النفس كلن يحبه

.....

دروس الأيام خذنا قسمنا منها
وأسرار الأيام ما نعرف خوافيها

اللّي حفر حفرتن لأخيه يدفنها
يمكن يدور الزمان و يندفن فيها

.....

لولا صواديف الزمان الثقيلات
ماينعرف طيب العرب من رداها

مشكور ياوقتٍ غدا فيه ميلات
عرّفتني بالناس وش هو مداها

.....