فوق هام السحب ( الشعر الشعبي) على متن القوافي

‏ربينا على طيب المعرفه وطيب الشور
‏وعلى المنهج الي يتفق معى مبادينا
‏
‏لا صار الهقاوي طيبه والصدور قبور
‏لو انها تردى ظروفنا ماتردينا
‏
‏ولامنه لحقنا من ضعوف العباد قصور
‏طلعنا على رجم التغاضي وصدينا
‏
‏ياطيب الروابع لا تخطرت لها معثور
‏وياطيب العقول الي تميز تغاضينا
‏
‏‌ ......

لوشـان بك شان شانيته على شانك
ياشان شاني وشان الشان بك راضي

كـلّـك سـكـنّـي وكـلّـي كـل سكـانـك
لو بعض بعضك نزّح كلّي ترى فاضي

يا روح في روح من روحك وريحانك
طـافت بـك الـروح طـوّالي وعـرّاضي

لك قلب في قـلب لاخـنـته ولاخانك
لو فاضت الروح مافاضة بك انقاضي

هـوّن عـلـيّ الــعـتـاب الـلـه لا هانـك
ياحاضر الحاضرانت وماضي الماضي

خذني بلا ذنب وٱطـويـني باحـضانك
بالظلم تحيا الـعـدالة سيـدي القاضي

......

المــرجلة ماهـــي بعلـم وشهـادة
والعلم يابن الناس له فضل معلوم

المرجلــة لو صـــرت راعـــي ارادة
والله عطـــاك ايمان واخلاق وعزوم

والصـــدق والهمــة مـلاك القيـادة
ان ما وصلت اليـــوم توصل بها يوم

للنـــاس في كل المجــالات عـــادة
واحــد جزاه الطيب واخــر له القوم

احــد يهــدم في المــواقف عنــاده
واحد عنــاده يجعل القــاعد يقــوم

دنيـــاك يابــن ادم عــزوم وركـــادة
ولا تقضيهـــا ســواليـــف وهمـــوم

......

‏غلاته في خاطري مرسوم بالملّي
قام يتولّى ضميري والله الوالي

بالناس متدنّي و بالناس متعلّي
وقدره بقلبي رفيع ومنزله عالي

افزّ مع نغمة الجوَّال لا ارسلّي
وان غاب مع غيبته قفّلت جوّالي

......

‏يا صوتك الي عليه الروح ملهوفه
ان جابه الخط له شكري و تقديري

انا فدا وجهك اللي كل ما اشوفه
اقول للضيق روح دور على غيري

......

‏تغاضيت عن زلة رفيق و عتب غالين
وصبّرت قلبٍ سود الايام موجعته

رميت العتب في سلة المهملات ايلين
لحقني الخطا من واحدٍ ما توقعته

.....

يسعد مسـاء نـاسٍ عليـنا عزيزين
قبل اللسان القلـب سـاق التحيـه

مكانهم عندي على الراس والعين
وأحبهم في اللـه وبـ طيب نيــه

الناس ماهم بالصور والمظاهر
الناس بالافعال تحكم عليهم

ناسٍ لهم طيبٍ بالامجاد ظاهر
وناسٍ تضيق صدورهم لاتجيهم

اللي طبايعهم مثل طبع ساهر
أحذر ترجاهم وتشره عليهم

عليك باللي مثل غال الجواهر
اللي لهم وقفات والخير فيهم

......

حذراك من دعوة المظلوم
اللي سرت وأنت في غفله

وشلون تهنى بحلوا النوم
تعطيه موعد وتخلف له

خليته الهايم المهوم
وتبكي على حاله الطفله

تعيش في فعلك المشؤم
وله خالق الكون ينصف له

......

صبرك على الدنيا ولو كنت مهموم

كثر الزعل ما جاب للنفس راحه

تزعل وترضى والقدر شي محتوم

والعبد يلقى بالتوكل فلاحه

والله كتب للخلق ما كان مقسوم

ما ضاقت الدنيا وفيها مساحه

سامح وبايح واترك*الحقد واللوم

......