اخترنا لكم

‏فديت قلبك لاتسولف عن الصد
‏عندي وعندك من جروح الجفا خير

‏عطني علوم الشوق والشعر والود
‏ملييت من صوت العتب والمعاذير

.....

مالي معك حل إلا الصمت والحيرة
‏‌ تـركـت درب العتب من كثر مافيني

‏‌ طـبعك تغيّر معاي وصعب تفسيره
‏‌ تجرح شعوري جفى وتقول تغليني

.....

‏والله انك لــو تغيب وتلتهي بظــروفك
‏انك اغلا من حظر واغلا مساكن روحيّ

‏ياوليفي لو تشوف العين كيف تشوفك
‏والله ان تقول لجروح المفـارق رووحي

.....

‏سوالفك تكفي عن الشعر ياروحي
ياللي على راحات كفينك ارتاح

فيك الحلا والذوق يامنبع الذوق
هاك الغلا من دلة الشوق قد فاح

.....

والعـين تاهت والمواليـف عنوان
‏والشوق حاگم شعب فيني تجبّر

‏والليل عـازف والغرابيل الألحان
‏واقلبي المضيوم تكفى تصبّر

.....

‏اغار انا لاشفت غيري يحاكيك
‏واموت انا ياعمري مليون مره
‏
‏اي والله احبك ومن قلبي اغليك
‏وحبك ياروحي وسط قلبي مقره

.....

جيت اتقهوى الغلا من دلة اوصالك
واذوق طعم الحلى من ريقك الحالي

صبه فديتك ولا تبخل بفنجالك
انت المعزب وقلبي ضيفك الغالي

.....

‏يا مدعين المحبة زايفين الشعور
سوق المشاعر جحدكم قال محدن شرا

شرهاتكم تلحق الموتان وسط القبور
ونياتكم ما تقدي الساري اللي سرا

خافوا من الله ترا الدنيا متاع الغرور
ارخصتو الحب كنه سلعةٍ تنشرا

الحب حاجة ما تدخل ضمن آخر ظهور
يبقى مخلّد لو ان صاحبه تحت الثرى

.....

ﻫﺎﻙ ﺍﻟﺠﺮﻭﺡ ﻭﻫﺎﻙ ﻣﻌﻬﺎ ﺍﻟﻤﻌﺎﺫﻳﺮ
‏ﺁﺳﻒ ﺗﺮﻯ ﻛﻨﺖ ﺃﺣﺴﺐ ﺇني أﻫﻤﻚ

‏ﻻﺗﺬﻛﺮ اللي ﻓﺎﺕ ﻭﺃﺷﻮﻓـﻚ ﺑﺨﻴﺮ
‏ﻭﻻﺗﺤﺴﺐ إني ﻓﻲ ﻏﻴﺎﺑﻚ ﺃﺫمـك

.....

اشاهدك متصل وقول في نفسي
ياليت تقلي ولوحتى مساء الخير

وان قلت شبدأ انا اتحاكا ولك مسي
اخاف تجرح شعوري بالسكوت والضير

ارحمني ياذاك حبك قد ربش حسي
وانت جالس تدردش تعتني بالغير

آخر ظهورك اشوفه وآنا بس منسي
ماتدري عني متى ادخل ووقت السير

حولتني في الصحاري عنتره العبسي
هايم مشرد بأرض الله مثل الطير

ونا الذي كنت ريد الحب رومانسي
لكنني اخطأت في التفكير والتقدير

مجروح من داخلي وفي الكتف قوسي
مااقدر ادافع على نفسي ولا لك شير

اعبر بحورك ولا أعرف متى ارسي
ماقد جنيت منك غير الصد والتبرير

بجولة الحب مستني على تكسي
ارصد مرورك ولوم نفسي على التقصير

سلبت عقلي بحسنك ياالرشا المكسي
لكنني مالقيت منك ولا تعبير

توجتك التاج واعليتك على الكرسي
بخرت عرشك ولكن مانفع تبخير

حطيت حبك وتقدريك على راسي
وصرت حبك وقلبي قد تفائل خير

لكن خساره فؤادك قد طلع قاسي
وصمتك المستمر قد زادني تاثير

.....