اخترنا لكم

المزح مثل الملح يفسد إذا زاد
لكن لا تفقد ما يقوله لسانك

معاد للكلمة إذا جات معْواد
يا طيب المجنا لسانك حصانك

ولسانك أما جملك بين الأجواد
ولا على قول الرجاجيل هانك

.....

يالله دخيلك من طعون المناقيد
ومن غلطة العاقل وقل المروه

ومن كلمة تفهم على غير ماريد
يمسك طرفها منك خبل مفوٌه

.....

أقنع بحالك والضروف المحيطه
دام السعاده بالــرضـا بالمقادير

بسيط وأحب الحـيـاه البسيطه
خلّك على ذا القاعده وأبشر بخير

.....

مافيه مخلوقٍ من العيب سالم
الا النبي المصطفى منبع الجود

والله جعل بالناس جاهل وعالم
واسعد بشر من كان بالفعل محمود

ولاخير باللي للمخاليق ظالم
حبله قصير وعنده الحق مفقود

ليته قبل موته يرد المظالم
والعمر لو طالت لياليه محدود

.....

‏ارفع مقامك فوق لاتتبع الهون
من عاش في حب المراجل عشقها

ومن عاش بالدنيا على الذل مغبون
كم حاجةٍ في خاطره مالحقها

......

الصاحب اللي مايجي منه تقصير
يبقى بعيني دوم راعي طويله

ادمح له الزله واسوق المعاذير
وارضيه وارضى عنه لا جات ميله

.....

من لاحسب قبل النسب معدن الخال
لاينشـد المولـود مـن ويـن عيبـه

ومن لادفع في ما قف الربـع مثقـال
لاينتظـر تعطيـه ربـعـه زبيـبـه

ومن لاطلب للمشكلـه نـاس عقـال
يجيـه مـن عميـان الاريـا كتيبـه

سمعـت ما قالـوه قبلـي بالامـثـال
من لاكسـب كلمـة نِعـم وش تبيبـه

.....

تسوقنا الاقدار ونسوق الاقدام
يومٍ لنا يحسب ويومٍ علينا

للخلف ماننظر والارزاق قدام
ومقسومنا الطيّب تحوشه يدينا

العمر يمضي والرجل يبني أحلام
والوقت يهدم حلمنا اللي بنينا

مانعرض الذمه لشاري وسوّام
ومعروفنا ينساه ابن الذينا

.....

لاتحرق أعصابك على شي ماضي
مافات فات ومستحيلٍ رجوعه

خلك على ماجاك صابر وراضي
ولحدن خبر دنياه تمشي بطوعه

ولا لك على حكم الإله أعتراضي
والصبر مبدى كل نفسٍ قنوعه

واشتك على خلاّق سبع الاراضي
اللي جلى عن كل مهموم رَوْعَهْ

.....

‏لا تنقدونـــــي لــو عليكــم تأخرت
يا احبابـي الغاليـــن ماهو بقصدي

نفسيتــي صعبــــه ومنهــا تأثرت
والحظ الاقشر حال بالياس ضدي

ياما من اتعاب الزمـن قد تصبرت
وشلت فيـه احمال ماهــي بقدي

والان عذري لو تباعــدت وادبرت
فتــــره عساها يا رفاقـــي تعدي

.....