اخترنا لكم

بحجر الله مـــري يا سحـابة
على دار الحبيب اللي هوينا

اذا جيتيــه ردي له ســـلامي
وقــولي له.. بلينـــا وابتلينـا

عسى الايام تجمعنـــا قريب
نعـــود مثل ما كنــا بدينا

تعبنا من صهيل الموت فينا
واوجعنــا ولكن ما انحينــا

اذا الله كتب في العمــر بـاقي
تطمـــن عــاد احنا الا بدينا

.....

معي وجه واحد ما تغير مع الايام
‏على حشمته عند الاوادم وتقديره

.....

للمقّفي كان لوّح في يدينه
‏ما نغني ياغريب الدار عوّد

‏من يقرّبنا لقانا عند عينه
‏ومن يعوّدنا على البعد نتعوّد

.....

لاتقول ان الليالي فرقتنا
‏لاتقول ظروفنا عيّت علينا

‏الليالي يوم ودك جمعتنا
‏يوم ودك كل شيٍ في يدينا


الأمير خالد الفيصل

كنت أتمنى أقضي العمر وياك
‏ونعيش طول الوقت يّدك بـ يدّي

‏وكنت برغم طيشك وكثرة خطاياك
‏أحبك بضحكي وأحبك بجدّي

‏وكنت اتحدى فيك ذولا وذولاك
‏ويالـلاسف ماكنت قد التحدي

‏حدّيتني على الفراق بسواياك
‏والاّ أنا والله ما كان ودي

.....

‏يا ام العيون الذابحات المراييش
الناعسـات النجل يـذبـح هدبها

غطي عيـونك خلي العالم تعيش
خوفي من الله لا نموت بسببها

.....

فقدتك ولكن مافقدت الغلا والشوق
‏وحتى لو انك بعيد زولك تهيا لي

‏مادام القمر في كل ديره مكانه فوق
‏ابرفع عيوني فوق واشوفك قبالي

.....

امك وابوك اثنين مادونهم دون
هم لذة الدنيا بأول وتالي

الراس وش يسوي اذا ماله عيون
ياعيوني الثنتين ياراس مالي

.....

‏لو يردّك دمع سيّلنا لك بحر
‏ولو يردك صوت صرنا لك رعود
‏
يرحمك ربي عدد قطر المطر
‏وعدد حبات الصحاري والنفود
‏
وعدد ماكبّر على القبله بشر
‏وعدد ركعات المصلي والسجود

.....

‏مساء الامل بالله والخير والتوفيق
‏مساء الظنـون الطيبه بالـقـدر كله

‏ترا الابتسامه والبشاشه تفك الضيق
‏تبسم وقل هالابتسامه لوجـه الله

.....