فوق هام السحب ( الشعر الشعبي) على متن القوافي

يا كبر قدرك بعيني ولكن ما تشوف
الغلا اللي لك تجدد وفي قلبي ربـا

الطواري كل يومٍ تجيبك والطيوف
والمشاعر في غيابك مراضى واتعبا

لو تاخذك الليالي وتاخذك الظروف
ما نسيتك شاء من شاء وأبا من أبا

ولو ما يبقى من الوصل بيننا غير الصدوف
مرحبا بالصدفة اللي تجيبك مرحبا

دارت الايام وانتي مثل مانتي
تجبرين كسور قلبي ب ابتسامه

تنكسف شمس المحبه لا حزنتي
ما على جرح الهوى غير الملامه

من دخلتي صدري الخايف امنتي
ما بعد رجفة غلاك الاّ السلاااامه

قمت ارتب فوضى قلبي من سكنتي
موطنك هالقلب الى يوم القيامه

......

روسٍ نقـــدرها معـــزه ونوماس
وروسٍ نساويـها بـــروس البهايم

وروسٍ تزينها الفعايل مع الناس
وروسٍ تزينها العقــــل والعمايم

......

والله أنا فــــي زمان مايطمــــن
فيه ذيــــب وفيه داب وفيه حيه

لو تروح لصاحبك تبغــــى تطمن
قال مدري ويش عنده في مجيه


......

يموت حلم .. وينخلق حلم غيره
ماتوقف الدنيا على موت الاحلام
⠀
عيش الحياه وفضها اليوم سيره
العمر مره ... والتوافيق قدام

......

‏لا تلتفــــت للناس وتقــــول قالوا
عليك فــــي نفسك ولا تتبع الناس

وان كان هم فى غفلة الوقت مالوا
خلك جبل واثبت على مبدأ وساس

......

ياصاحبي لاتنشد الا عن الطيب
‏رغم الضروف القاسية ماعلينا
‏
‏دايم وحنا للهقاوي معازيب
‏شف كيف هقوات الرياجيل فينا
‏
‏الطيب يولد من بطون المواجيب
‏وحنا وراه مشمرينن يدينا
‏
‏مانعرف الا نمد ونجود ونطيب
‏هذي الخيارات المتاحه لدينا

......

‏منهج كرامتنا على العز ما مات
‏نموت لـ أجل نصونها ما ارتخينا

‏من طيبنا نرقى بروس الطويلات
‏ولا ننشد اللي قال وش قال فينا

......

تدري وش أجمل شي بعيون الأنسان
‏إنه يشوف أنساان يسوي عيونه

‏يعني تشوف النااس بكل الأحيان
‏وتحس كل الكون غايب بدوونه

......

تمر الليالي واتعاقب . . وانا وياه
‏نروح ونعوّد كل فتره على الثاني
‏َ
‏انا كل ماضيق عليّ الزمان القاه !
‏وهو كل ماضيق عليه الوله جاني
‏َ
‏نسيته؟ لا والله مانسيته قسم بالله
‏وطاريه لين اليوم في طارف لساني

......