فوق هام السحب ( الشعر الشعبي) على متن القوافي

‏أضـحك .ترى الأيـآم لآبد تبكيك
وأركض . تراك بـ يوم . لآبد تآقف

هذي تجارب نآس من دون تشكيك
و هذي خلآصة عمر كله موآقـــف

......

‏تمر الوجيه العابره مع مرور السير
وكلٍ يروح و ينحفظ ذكره الطيّب

عسى ذكرنا مايذكر الا مع هل الخير
وعسى الله يجملنا مع بعيد وقريّب

......

‏تمضي بنا الأيام ضحكات وهمـوم
‏والعمر يمضي بين تذكـر وخابـر

‏لولا الأمل مابيـن الايـام مرسـوم
‏كان البكاء يضني حبـال الحناجـر

‏ياضحكة الماضي ويادمعـة اليـوم
‏الله عليمً كيف الاحـوال باكـر

......

‏اشوف قدري في عيون الرياجيل
ولا الرخوم رخوم لو يمدحوني

من قدم النا الصاع نوفيه بالكيل
وراعي الوفا والطيب يسوى عيوني

ولاني منزلها لهرج المهابيل
ارفع نظر عيني ولو طالعوني

والمجلس اللي فيه من القال والقيل
اجنبه لوكان هم قد دعوني

سعد العصيمي

ترى ابن عمك لو تغيّر با الاطباع
إليـا تـردى با الـردى لا تجاريـه

لا تنهشه لا غاب لو كان ما طــاع
هذا لحمـك ولو غلط لا تجـازيــه

الذيـب مـا يـأكـل جنوبه إليا جاع
ولا يأكل الحرجه لو الجوع حاديه

يلقى عليك مـن الرياجيل مهـزاع
لا صار ابن عمـك ودمـك تعاديـه

الهاب بدر

‏هو صادق اللي قال وعد الحر دين
مير البلاء من وين للحر الوفى

كثرت مواجيب الرجل والوقت شين
قلت مواريده وعيا ما صفى

حتى القريب اللي معك والوقت زين
معك.. معك..وان عضك الوقت اختفى

اتجيه في حاجه وتاخذ حاجتين
عطية المنه وهرج ف القفى

احمد ال سليم

اما عشقنا عشق مافيه تلفيق
ولا هجرنا الحب مذهب ومله

اما غرام يشرح الصدر طاريه
ولا عسانا ياعرب ماعشقنا

بقلمي

الناس حـطّت بـ المـحـبه قــوانين
وباسم الهوا في ناس تشكي مرضها

الحب ما يعرف مذله و لا يهيـــن
بس البشر بـ الحب ذلّت بعضها

بقلمي

مابيني وبينك مـشاريـه وعـتـاب
شف دربك اللي جيـت منه تدله

مـاراح تـغـلـبـنـي لو الحب غلاب
من حـضـرتك عشان قلبي تذله

كـنـت الـقـريب وكـلـهـم أغـراب
حتى القمر لاغاب شفتك محله

رح واعتبرنـي واحـد أذنب وتاب
مـانـي بثوب تلبسه ثـم تـمـلـه

......

عشقنا الطناخه وارتفعنا عن المنقود
رقينا على " عرش " الكرامة ولازلنا

طموحاتنا "بعزومنا " تبلغ المقصود
وعلوم القلوب الحاقده ما تنزلنا

......