اخترنا لكم

أقم صلاة المزن عند المعاطيش
‏من سدرة الماضي لكبوة جوادي

‏عطيتهم حلمي وردوه بخشيش
‏واصبحت ادوّر في بلادي بلادي

‏مسافة السكة خناجر وتهميش
‏واوّل محطات الوصول البعادي

‏في سفرة همومي بقى الصوت مانيش
‏أغسل يدين الصمت واقول عادي

.....

‏كم غايب ماغاب ذكره عن البال
وكم حاضر يشبه حضوره غيابه

ماكل من يبتعد عن العين ننساه
بعض البشر طيبه يعوض غيابه

.....

‏يالعيون اللي تراقب من بعيد
‏يا عساها مـا تشووف الا الهنا

‏استريـح يـا الغلا ما من جديد
‏العهـد بـاقي وأنـا مازلت أنـا

.....

الطيب فطره والمراجل مكاسيب
والناس به صنفين طيب وخايب

أرفع مقامك فوق عالي المراقيب
وأبذل على سمعتك كل السبايب

أن جاك ضيفٍ قم بكل المواجيب
ورزقك على الرزاق منشي السحايب

وأخذ النصايح من ملا رأسه الشيب
من شاف صكات الزمن والعجايب

. ماجدعبدالله

النفوس العظيمه تعرف اللي تبيه
ما تدور رضا العالم وتركض وراه

من يجامل وجيه ويستحي من وجيه
راح عمره وهو يمشي بدون إتجاه

ألبس ما يعجبك وأكل ما تشتهيه
دامك في طاعة الرحمن عيش الحياه

لا تروح لمكان إلا وراحتك فيه
ولا تجي من مكان إلا بسيره وجاه


.....

من راح عنا رافقته السلامه
واللي يجي مرحبا به ترليون

ياما وفينا والوفاء له علاامه
وياما صبرنا والصبر تالي العون

قرار صادر باطبق نظامه
للاقرباء والاصدقاء واللي يبعدون

اليوم أنا سكرت باب الندامه
اللي يجي يجي واللي يروح هون

يا كم وضعنا ناس فوق الغمامه
وقلبه علينا بالحماقات مشحون

.....

ياهم قلبي حسب وجهة ظروفي
لين الخطاوي ما تصافح قدرها

والنفس لا عافت رجولك تعوفي
وتنعى عجاج الدرب وتقطع أثرها

.....

بنت الأصول الحره ماتعرف تجافي
لو يعترضها الشر كم تجهل طريقه

كم تعيش المر وجروحه تخافي
ضحكته تخضر لو تخفي الحقيقه

لوجالسه ع الجمر أو ع الشوك حافي
عالقه بالصبر ما تترك رفيقه

كم تقول الدر في نظم القوافي
عالمه بالشعر في حروفها وقصيده


.....

انثر صوتك الهادي على مسمعي
‏مرت شهور ما حسيت بالعافيه
‏
‏ودي اعيش باقي العمر وانتَ معي
‏والله إن الليالي الي مضت كافيه

.....

العقل زينه والوفاء يرفع الراس
والصدق شجاعه ما تقدر تهزه

ومن عز نفسه مايذلونه الناس
ومن ذل نفسه لأ يدور معزه

بخيل النفس فقير الاحساس
ما يملكه يخفيه على لي يعزه

وكريم النفس طيب الانفاس
محبوب وكل الناس حوله تعزه

.....