اخترنا لكم

العقل زينه والوفاء يرفع الراس
والصدق شجاعه ما تقدر تهزه

ومن عز نفسه مايذلونه الناس
ومن ذل نفسه لأ يدور معزه

بخيل النفس فقير الاحساس
ما يملكه يخفيه على لي يعزه

وكريم النفس طيب الانفاس
محبوب وكل الناس حوله تعزه

.....

ما خاب منهو يحسّن الظن بالله
‏وما ضاق صدرٍ يذكر الله دايم

.....

‏ويــن الذي غايــب عن العـين يا ناس
اتفرمــــت احساسي معــه في غيابه

بُعده هدم بالعقل فكري والإحساس
والقلـــب يشكي يا رفاقـــــي عذابه

أمنتـك الله لو معـك قلــب حساس
ارفق بعاشـــــق ذاب ماحــد درابه

أمسـي أفكر فيــك وأحـس باليأس
واتخيـلك في وهــــم قاسي سرابه

.....

الوقت لو كشر بوجهه و نابه
ما نرخص الشيمه ولا نقبل الغلب

انجابه اللي فالزمن ما يجابه
وندف بقعا دف و نليّن الصلب

واللي على الدجه يسحّب ثيابه
بكره تطلع له ليال القسا قلب

من لاسعى للرزق سعي الذيابه
يبى يعيش اليا كبر عيشة الكلب

.....

‏ياليت القلوب تصد قبل الدموع تحير
‏لجل مايبين الحزن ويبين تأثيره

‏أنا مؤمن ان البعد مهما حصل بيصير
‏أذا مايصير من الزمن صار من غيره

.....

‏من الي يعيش ايام عمره بدون ظروف
‏جميع الخلايق مرها الهم وانهكها

‏لا تقضي حياتك بين كيف القلق والخوف
‏تقدم وخوض الي بقي من معاركها

‏وجيه الليالي دربها بالعنا محفوف
‏مهي كل حاجه لا تمنيت تدركها

‏لا ضاقت عليك الارض مره وضاق الجوف
‏لا تطلب فرجها غير من عند مالكها

.....

‏اليا نويت الرحيل ودونك الوقت دار
‏اقرا دعاء السفر ماعاد فيها حلول

‏الحب سكه طويله والمشاعر قطار
‏لها بدايه جميله والنهايه الوصول

.....

ما بقى من حبه ألا بقايا ذكريات
ودي إنه راح كله وأخذها كلها

.....

لو إن القلوب تباع والذكريات تباع
‏تخيّرت قلبٍ ذكرياته من أمس وجاي

.....

على القلوب المصّده مايفيد العتاب
كنك تسولف على الاموات فقبورها

.....