فوق هام السحب ( الشعر الشعبي) على متن القوافي

لا تعلمنا عن اللي هرج فينا وقال
‏اعتبرنا لين هالحين ماندري عنْه

‏لو نبا ندنق على الطايح يطيح العقال
‏والعقال اللي على روسنا ما اغلى منْه

‏الجريدة عشر صفحات قيمتها ريال
‏لو كلام الناس محسوب ما هذا ثمنْه

......

جيتك عقب بذ الخفا يابس الريق
‏الجيه اللي ضيّع الله جهدها

‏من مسة الحاجه وقل التوافيق
‏وظروف ما تنقال وأمّر وادها

‏وحديتني الله يحدك على الضيق
‏بالضيقه اللي ما اتنفس بعدّها

......

‏بين العيون اليـا تـلاقت سواليف
اصدق من اللي نكتبه بالرسايـل

لغـه عجيـبه للقـلوب المــواليــف
مشـفــره فـيـهـــا رمــوز ودلايـــل

للعاشق الولهان نـظـرة ملاهيـف
على هوى مشهات قلبه اتخايـل

......

خل في صدرك على الدنيا قبول
واعرف إن الشّمس تشرق لو تغيب

وعود لسانك ليـا ضاقت يقول
الأماني في رجى الله ما تخيـب

......

‏أستقبل الجاي واللي راح خله يروح
‌‏عيش الحياه بـ هداوه لاتعيش بـ قلق

‌‏الضحك والحزن والأفراح حتى الجروح
‌‏كلها بياديك ،، وأنت أختار مما سبق

......

‏دام الولي يعلم بصادق نواياك
لاتلتفت لأهل النوايا الرديه

دنياك ماتاتي على كيف مشهاك
أكثر قلوب الخلق ماهي خليه

حتى خوي الروح يقفي وينساك
تزين له دنياه وينسى خويه

هذي هي الدنيا واذا جاك ماجاك
توجه بوجهك لرب البريه

اسجد وقل يارب أنا طالب رضاك
وطالبك تفريج الهموم القويه

......

هذي هي الدنيا لها اقبال واقفاي
‏وماجابته سود الليالي خذنه

‏لاتقول انا عارفٍ داي ودواي
‏وقلبك طواريق الهوى يسهجنه

‏ترى سنين العمر تومي به اوماي
‏كم واحد عقب الطرب نوخنه

......

يا ملح الأيّام عيّت .. تستقيم البخوت
‏لي عقد احاول واحاول غير ما الله قسم

‏عيّو عليك الحرار مشرعيّن البيوت
‏صوارمٍ في مجالسهم يفوح الدسم

‏زبدة خليط الكلام اللي يهتك السكوت
‏يبقى و تبقين في خيرة قصيدي وسم

‏والله مانسى معاريفك علي لين اموت
‏ما دام فالقلب نبض و فالريايا نسم

......

ماطاح دمع العين بس طاح رجّال
‏يسوى دموعي كلّها و أجتهادي

‏في ليلةٍ ذاع الخبر و الردى حال
‏بيبني و بين اللّي أعدّه عتادي

‏ياحرّ كبدي ليت هذا العمر زال
‏قبل المحه يقطع حبال أعتمادي

‏تنصاني الرميه و أدّور على أنذال
‏و أثر البلا في رميةٍ من زنادي

......

النفس عن شرواه عيّت لا تختار
ما ترتضي غيره و نفسي مصرّه

بالصدر له هيبة وحشمة ومقدار
و بين الضلوع العوج يبقى مقرّه

......