فوق هام السحب ( الشعر الشعبي) على متن القوافي

والله اني ما نويتك بالردا وانت ادرا
انّي آوقف لها واعطيك حقّك وافي

المعرفة منْك علوا وانت ساري حدرا
شبحك قريّب ولا يشره عليك سنافي



العمدة

لا تشكوى من زمانٍ شكت منه شعوب
كم شبابٍ قبل حل المشيب يشيبه

سج رجلك بالبسيطه معَ بيض الدروب
والزمن لو طال عمرك لزوم يغيبه

رافق اهل العز والطيب صافين القلوب
من قرب من حامل المسك منه يطيبه

كل خطوى راس قومٍ مقدر ومحسوب
ارجحٍ دايم شبوحه ماهيب قريبه


خليل بن هدلان

عشنا على الدنيا هموم ومسرات
وعرفت من كثرالـمحن والتجارب

اردى صداقه بين كـل الصداقات
صـداقـة اللـي لـه وراها مـأأارب

واقـوى خـيانه بين كـل الخيانات
خـيـانـة اللي معك ماكـل وشارب

واقسى عـداوه بين كل العداوات
لاجـا عـدوك واحـد مـن الاقارب



مهنا السعدي
‎

يااهل العلوم اللي تجي بالقفيا
من شذبة العرقوب وش تستفيدون

ياجعلكم فدوه رجال الحميا
حيث انكم بالحقد من دون في دون

صارت خباثتكم تبين كذيا
واشوفكم في كل مجلس تزيدون



بدر الجميلي
‎

ياصاحبي لاتحاول تفحص اخلاقي
فحصني الوقت لاحولٍ ولاقوه

وان كان قصدك مغير اتغلّق الباقي
ماعاد تلزم معك رفقه ولاخوه


حمدان العصيمي

لحقني من ظروف الليالي ما جاني تو
ولالي من صدوف المقادير مجزاعي

عليهم وجودي وجد من ضعف عقب القو
طواه المرض والكبر والصيب قطاعي


......

أنا لي مزاجٍ كنه العود و الكبريت
أداريه من لمس البشر و احتكاكاته

أقاديه قود الورع لا أقبلت ولا أقفيت
أنا كل ما أكبر يوم تكبر مطماته


......

‎صبرنا على ماجابه الوقت زين وشين
‌‏ولا حطمت صكات بقعاء عزايمنا
‌‏
‌‏نحشم الرفيق ولا طردنا ورى المقفين
‌‏وعلى نخوة الناخين نحذف عمايمنا


......

‎كل شي تقدر تشتريه بحلالك
‌‏الا دوام العافية والرجولة
‌‏ٰ
‌‏الموت ماينشدك عن كثر مالك
‌‏والمجد ماتقدر بكذبك تطوله


......

نورك على رزنامة أيامي السّود
طاغي .. لو ستار الحياة يتسدّل

ماني مبشّر بالعوض وأنت موجود
أنت الأصل جعل الأصل ما يبدّل

......