اخترنا لكم

‏عز الله اني جلست وطال مجلاسي
‏يالله عسى كل تاخيره بها خيره

.....

ياللي تراقب غروب الشمس خلك صبور
لاغابت الشمس ريّـــح وارقب اشروقهـا

اصبر ولا تحط نفسك مثل نقطة عــبور
في كل لحظه تمرّ الناس من فوقهــــا

.....

إن كان أمك بوسط البيت ريـحتها
حافــظ عليها تراها ريحــــة الجنة

خلك مطيع وحــنون ولب حاجتها
يــــا جعل أمي وأمك تدخل الجنة

آمين

وتــرى حــــلاة البنت مستورة الحال
من طاعــــة اللـه والنبـــي مستزيدة

والستر ما هــو في عبايــة ولا شال
ولا هــي نصايــــح تنكتب بالجريدة

الستــــــر حفظ الـدين حلٍّ وترحال
دايـــــم علاقتهــــا مــع اللـه وطيدة

تحفــــظ وجيه رجـال وتربي رجـال
على المـــراجل والخصـــال الحميده

.....

‏ياسعود وين اللي لهم صيت واذكار
‏اللي لهم بالدار صوله وجوله

‏اقفى بهم ياسعود قصاف الاعمار
‏اقفت بهم سود الليالي عجوله

‏راحو على طيب النوايا والإسرار
‏بيض الوجيه معدلين الميوله

.....

ارفع مقامك عن وكالة يقولون
مامن وراها غير هدم العلاقات

خلك نظيف القلب ظاهر ومظمون
شيل الجميل وخل كل التفاهات

.....

ياقلب لا تتعــب وواصـل تحديك
وخليـك من درب المقفين ساهي

ولا تتبــع إلا من يعــــزك ويغليك
واللي ابــد ماغــاب عنــك وتاهي

.....

‏نستحي من حزننا لا نكشفه
‏والحزن لا لقى الفرصه بطش
‏
‏كل يوم يصب كاس ونرشفه
‏وأرتوينا صح لكن با لعطش

......

‏أحلى القلوب اللي بها خشية الله
‏وأحلى الكلام اللي نقوله بذكره
‏
وأجمل شعور اللي مع الله كله
‏وأجمل محبة حُب ربي وشكره

.....

‏ملامح عفيف النفس ما تقبل التاويل
‏عن اللي حياه العفٌ يمنعني أقوله

‏ما بين أرتكازة معتدل وأنحدارة ميل
‏وخصرً هذا ضيقه وعنقً هذا طوله

‏سحاويً يروح الشفق لا انولج فالليل
‏مثل وجنته لا دسهّا تحت مجدوله

‏نحيل القوام اللي قطاته قطاة الخيل
‏يا حظ اشقرً يقتضّ ويلف من حوله

.....