اخترنا لكم

‏مابين درب السلام وبين درب العنا
‏علاقتي معك مدري وين وصلتها
‏
‏كم كلمةٍ خافيه في جوف صدرك وانا
‏دورتها في عيونك لين حصلتها

.....

‏سمحت من الفراق وسطوة الذكرى على النسيان
‏واشوف الكبريا بعد التواضع موقف انساني
‏
‏حياتي فوضويه كيف اجمعها واصير انسان
‏انا هالحين نصف انسان وانتي نصفي الثاني

.....

يالله إنك ترحم الحال لاضاق المجال
مالنا في ساعه الضيق غيرك يارحيم

قاله اللي يرجي العفو وحموله ثقال
كل ما زادت همومه ذكر رب كريم

.....

‏غيرك يحاول ولا له على قلبي مجال
‏وانت حبك قد تمكن من القلب وعبر

‏وان نشدت وقلت عطني على قولك مثال
‏قلت معطيك الحنايا وزايد لك شبـر

‏وان سَمعت القول بين الحقيقه والخيال
‏قلت احبك فوق كل المحبه والامر

.....

يا مقر الزين يا قبلة مغنّه
‏التلاقي فالهوى عندي مقدس

‏ابك هجرك نار ومواصلك جنه
‏حاول نواجه بعض لو كان بالدس

‏من تثيقل في غرامك يحسب انه
‏لو يقابلني نفضته بالمسدس

.....

‏عبرت الطيف وانت اللي سبق وان مالك اي اشباه
‏على احوالي تدوّر ما تحسّن بي وتدمرها

‏جزاك الله يا شوق السنين وعوق كل الآه
‏اذا باقي في يدك جروح امانتها لا تذخرها

‏عليك بصدري اللي لا وصل فيه الحزن لاقصاه
‏تنهّاده ما يكسر من ضلوعه شي يجبرها

‏أنا باقي الصبور اللي ما يدري الصبر وش مسعاه
‏ليا طاله ندم هلّل على احلامه وكبّرها

‏عساها ما تفيق الا على المشهاة والمشكاة
‏لربٍ سيّر الدنيا مع اقداري وقدّرها

‏وتراني في طرف وجهك ليا مرّت علي ذكراه
‏لا تنشدني عن احوالي بعدها وانت تخبرها

.....

‏عـرفنا صـروف الـدهــر هبة بهبة
وعشـنا وشـفنا في زمنـا تجـاريب

الاعمــار تفــنى والليـالــي مغبــة
ومن لا يخاف الله ما يعرف العيب

ومن لا قضاهــا بالرضـا عنــد ربـه
ما ينفعـه مدح العرب والاجــانيب

.....

‏العقل نعمه والسوالف لها ساس
والشخص يُوزن كلمته لا نطقها

.....

مايـذبح العـاشـق الا نظـرت عيـونــہ
مايذبـح القلب غير البعـد عـن داره

عقب البطى جيت لـہ بنشده وش لونــہ
مـشـتـاق لـہ ولسـواليفہ ولاخـبـاره

.....

‏احد لو نبتسم له بسمة العابر تبين فيه
‏وواحد نعطيه من صافي مشاعرنا ويجرحها

.....