فوق هام السحب ( الشعر الشعبي) على متن القوافي

هي فــاهيه والا الحلا له فهاوه
احـس كن عيونها ماخذه بنج

تقــول في فمهــا تلاعب حلاوه
واثر الحلاوه كلّبوها من الغنج

......

الهوى ودروب الاحباب ما منها خراج
قد مشوا فيها المشايخ ورعيان الغنم

دافع الحب الحقيقي محبة واحتياج
والهواوي فالهوى شخص جدا محترم

ياحبيبي وان بدى لك من الناس انزعاج
حبنا يحتاج وقفه على ساق وقدم

ليلةٍ فيها تزين الخواطر والمزاج
كن صوتك يوم يطرق على سمعي نغم

......

‏ملائكي وجهك .. وروحك جناحين
‏طيري على كتف السماء يا ثمينه

‏هربت من صحراء العلاقات سنتين
‏ولقيت في قلبك شعور المدينه .. !!

‏على الشواطي نبني الحلم من طين
‏أمنتك الله فييييه .. لا تهدمينه ..!

‏حنا سفينه والبحر حب شخصين
‏ولو لا البحر وش قيمتك يالسفينه

......

أحبك لو ان حبك يودي لـمدري وين
‏جعلني فدا حبك ووصلك ومقعادك

‏أحب السوالف معك منا لـيوم الدين
‏وأحب التغلي منك واموت بـعنادك

‏ تسولف لي بتاريخ جدانك الميتين
‏ وهو والله التاريخ ، تاريخ ميييلادك

......

يقول ياسر التويجري :

‏عِـش الحـياة بـرغـبـتـك .. وبـ مباديك
‏عِـش منغلق .. عِش منفتح ..لا تعاني

‏الـلي يـحـبك كـيـف ما كـنـت بـ يجيك
‏وإن جاك ماانت بحاجه لشخص ثاني

‏خلنا من كل ضيقه وخيبه وانكسار
‏وعطني اللي كل ما أتوبها ما أتوبها

‏قهوةٍ ماهيب من هيل ولا من بهار
‏من ورا شط البرازيل جات حبوبها

‏مالها عذروب عندي ولا منها مضار
‏غير بس أنها تخلص هذا عذروبها

......

‏تغاضيت عن زلة رفيق وعتب . غالين
‏وصبّرت قلب سود الأيام .... موجعته
‏َ
‏رميت العتب في سلة المهملات الين
‏لحقني الخطأ من ... واحداً ماتوقعته

......

يا حبيبي مـال قلبي فيك لايم
‏عاشقٍ طب الهوى و ازرى يكبه

‏من يحب جفين عينك و أنت نايم
‏محسن اعماله و راضٍ عنه ربه
‏ㅤㅤ
‏ليتني لـو من نسمك اخذ نسايم
‏وليتني من شفتيك اذوق حبّه

......

‏تحت سقف الذكريات اشعر بـ وحده
‏يبدو أن حظي عـلـى الطيحه مسيّس !
‏
‏كوب شاي ، وليل شوق ، وطيف وحده
‏قلبي كويّس .. وحـظـي : مـش كويّس

......

‏قلبي احساسه مثل كف الفقير
‏يأخذ المقسوم وله ما يطلبه
‏
‏إن زعل ما شال وان سامح كبير
‏ بس لا منه انخذل لا تقربه

......