فوق هام السحب ( الشعر الشعبي) على متن القوافي

‏يموت المنافق ماشبع من حياة الذل
‏لاهون عن الطرقة ولاحقق مراده

‏محطات كره الناس منها لاعبى فل
‏ما يرجعلها الا بعد تصفير عداده

‏
مسلم العزيزي

‏مال القمر حضره ليا بان بدرك
والشمس غابت لا اشرقت وجنتيك

والليل ياخذ لون من لون شعرك
والصبح ياخذ طلته من جبينك

ومن شفتينك كيف تعطين خمرك
وإلا الخمر مقطوع من شفتينك

ولا ادري عيونك واسعه كبر خصرك
أو خصرك اللي ضيقٍ كبر عينك

......

‏يمر الصباح اللي بـ نوره يجر الخير
‏مثل وجه طفلٍ ما تصنّع تعابيره

‏على كل غصنٍ طال ظله أماني طير
‏عجز لا يكمل مابقى من مشاويره

‏ انا واقف لأحلام عمري وقوفٍ غير
‏وقوف الكريم إليا تلافوا مساييره

‏لو ان سري بين حدب الحنايا بير
‏ما اصبحت حلمٍ تجهل الناس تفسيره

......

‏‌

اشتــــقت لك يامن اشــــوفك متـصل
جدد غلاتــــــك بالغــــلا نفس الشعور

والله مســــائي والســعا ده تكتــمل
ان قلـت حــــــــيابك واعـلنت الحظـور

......

كان قالو فالهوى بايع وشاري
قولي اصلاً وش على العذال منا

وكان قالو مابقى للعشق طاري
قولي ادري اخر العشاق حنا

......

ماجاك مني جرح ماجاك تقصير
ماجتك غير الذكريات الجميله

واللي لقيته منْك من دون تفسير
هــمً يلـوج الصدر ويهد حيله

كنت احسبنك غيثً يسوق التباشير
وغيوم وصلك بالمحبة هميلة

وثرك سحابة صيف ماتسقي الطير
لا بارك الله في القلوب البخيله

......

الله يـمـسـيـكم علـــى ماتحبـون
والله يـقويكم لـ طـاعـته ورضـاه

ياجعل من عسرت مطاليبه تهون
وياجعل من له منوةٍ يلحـق مناه
‌
الحمدان....

لو تشوف الكل عكس الاتجاه
لا تسوي شي من غير اقتناع

اختلاف الراي مفهوم الحياه
واتباع الناس مفهوم الضياع

......

مايزعج النفس إلا بـــــعد غاليها
ولايسعد القلب إلا شوفة أحبابه

ياعين خلي دموعك فيك خــليها
القلب يكفيه من الاحزان ماصابه

......

يناظر في القمر ويغيب نوره من ضيا موقه
وينظر في النجوم البيض ويناظر نواهيده

اموتً بقذلةً شقرا ليا من جات مفهوقه
وجسمً ماتقول الا غصن خضرا عناقيده

تمايل لعنبو جد القوام ورق سمحوقه
تقول انه مثل موجً ،يركده الله ويعيده

......