فوق هام السحب ( الشعر الشعبي) على متن القوافي

اغرد لحالي .. و أنا داخل السرب
‏و اعاف سهل القاع وأحب رجمه!

‏أنا البسيط الواضح الصادق الذرب
‏اللي كثييير تْمنوا يغيب نجمه

‏ما أشبه الا الواحد فـ جدول الضرب
‏كل شخص اناظر له على قد حجمه
‏

......

‏الشاعر لما يُرحب في محبوبه يبتذل
‏ويطلع بأقوى وأرق التراحيِّب
‏
‏مثل سعد بن جدلان :
‏يامرحبـا يادهر قلبي ورجعّانه
‏ياجرح قلبي عليك ويافري جيبي

‏وقالوا بعد:
‏مرحبا بك في مداهيل قلبٍ ما وطاه الا انت
‏يا اغلى من وطّى حبه جال قلبي وشريانه

فمان الله يا نجد العذيّه و الوعد بعدين
‏متى بعدين مدري بس خليني على ماني

‏مصير الوقت ينصف طيّبينه و الامور تزين
‏وبرجع لك ليا زانت معي كان الله احياني

‏فمان الله يـ القلب الحنون ويـ الجناب الزين
‏كثر ما حبّكم يسكن معاليقي و شرياني


......

‏على إبتسامه ثغرك العذب الزلال
‏تحيه الطيب على حلو النبا
‏ㅤ
‏أنت على قلبي مثل مزن الخيال
‏وأنت على روحي مثل ريح الصبا
‏ㅤ
‏ريح لاهبت على مزعوج بال
‏كنه مصلي الفجر في مسجد قبا


......

‏اذا أجتمعت خيبة الظن والندم :

‏ظنّيت فيها بـ ظنّ ! وخابت ظنوني
‏وصار الثمن دمعة ٍ عجزت أجوّدها

‏الغلطه اللي ثمنها دمعة عيوني '
‏لو يرجع الوقت والله ما أتعوّدها


......

اسرف بي التفكير واجهدني جهاد
والحب و الذكرى و ادق التفاصيل

وحملً من ظروف المقادير يزداد
تبطي متونك ما تحمّله يا شعيل


......

الله على جو الغلا بين الاثنين
حب ومشاعر شوق واحساس عشاق

يروق جو الحب مابين قلبين
مزح وضحك واللعب مابينهم راق

في مرتع العشاق والحب لاهين
في جلسة يحلى بها لعب الأشواق


......

‏موضروري من هداك الابتسامه
‏شايلٍ لك مثل ( روعتها) خفوقه

‏بعضهم تشوف.في وجهه علامه
‏غصب عنه لو تودد لك تبوقـه


......

ادري من الصوت وش تخفي لي ضلوعك
سلامة ضلوع صدرك لا تعورها

تعبت وأنا أضمك وأتعبك وأجوعك
وتقولي اسف وربي ما اكررها

وترجع على نفس الخطأ تتبع طبوعك
خذ باقي طبوعك معك لا تبررها

الروح ما هي تحت أمرك ولا طوعك
أصونها و أخسر العالم ولا أخسرها


.....

‏متعب التركي قال عن الجرح :
‏يمكن لو انه يلمس الجرح بيديه
‏يستغرب أن اللي لمسها طعونه

‏وقال عن الفراق :
‏حلوه عذاريبك وحلوه مزاياك
‏حتى بيوم فراقنا كنت هادي

‏وقال عن الوداع :
‏يقولون ماودعّك؟ قلت الفراق وصار
‏الإنسان روحه تنسلب ما يودعها