اخترنا لكم

يا مساء الخير من بعــد السلام
ويا مساء الـذوق يا اهلًا هــــلا

يا مساء الـورد بالناس الكـــرام
يا مساء الـشوق وحروف الغـلا

.....

احب الرفيق الطيّب اللي جنابه زين
واعده من الاقراب لو ماهو قريّب

.....

ما هي نهاية قصتك لو يرحلون
هذي نهاية دورهم في قصتك

.....

حي الصبـاح اللي تنفس بالاذكـــار
يشرح صدور اللي يعانـــون ضيقه

سبح وهلل واسلك دروب الابـــرار
وتصير اسعد شخـص بين الخليقه

.....

الله كـــــم غــــــالي فقدنــاه ماعاد
يقطعك يــــــادنيـــا ماوراها مسره

فيالله يـــــارب له الخلاق سجــــاد
من راح في الفردوس الأعلى مقره

آمين

يــــاسلام الله على اللي يردون السلام
والـوفـــــا يجزي وفا والتحيه وافـيه

مالقيت ازين من الطيب ومزوح الكلام
والنـوايــا الطيبـــه والصـدور الصـافـيه

.....

اقهر بلاوي الدهر بالضحك والسجـة
وأضرب برجلي دروب العز وامشيها

.....

العز للنفس واجب والحيا سنّه
وأنا يديني من الثنتين مليانه

رزقي على اللي ليا اعطى شي مامنه
والا يدين العرب تعطي ومنانه

وان شحوا الناس ربك يعطي الجنه
مايغني الا كريم الوجه سبحانـه

.....

لا يقودك سوء ظنك مثل قود الذلول
ما يقاد إلا البهايـــــم وعميان القلوب

من عطاء عقله لغيره مغفل ومهبـول
وظالم ٍ نفسه بفعلـــه وحملها الذنوب

الوضـــوح وكلمة الحق للباب العقول
والجبال الراسيه ما تحركها الهبـــوب

.....

طالبك ياربي لو كان الثمن عمري
الا الــــردي ما توقفني على بابـه

.....