فوق هام السحب ( الشعر الشعبي) على متن القوافي

يـوم شفـتـه دقّ قلـبي وارتجــف
وصابني بالـعين والـرمش الكثيف

نـاقـش الكـفّيـن نقشـة محتـرف
لابس الخلخال لـه صوتٍ خفيف

كـامـل الأوصـاف مـا تقـدر تصف
في جمـالـه مـا تلاقي لـه وصيف

له عيون الظبي ما تخطي الهـدف
مـن رآهــا صـاح يـاالله يا لـطـيـف

كالـقمـر في نـص شهـره إنتصـف
بعـد ليله مـاطـره بفصل الخـريف

وقامته كالغصـن يتمـايل شغـف
ومشيته قـايد مـع رتبـة عـريـف

عن جميـع الغيـد حسنـه مختلـف
وفوق ذاك الحسن متحشّم عفيف

قد سلب قلبي وعقلي قد خطـف
بالـعيون الحـور والخصـر النحيف

......

أنت حبك مرتبط في حب ذاتي
أعمق من إعجاب وأصدق من موده

أنت تسع أعشار مجموع أمنياتي
أمنياتي . . الماضيه والمستجده

أنت صوتي وابتسامي والتفاتي
للحنين اللي ما وقف عند حدّه

أنت مستقبل جديد لـ ذكرياتي
والوحيد اللي عجزت أكون ضده

......

بعض البشر كثر العطا ما يكفيه
ينسى جميلك و الوفا في ثواني

لو تنحرم من قوت يومك وتعطيه
يقول : لو هو بحاجته ما عطاني

......

ياصاحبي لاتشتكي الوقت والحال
خل الذي في قلبك اليوم خافي

ما كل حكيٍ يا ابيض القلب ينقال
و لا كل عمرٍ من شقى الحال غافي

رح و اشتكي للي له الكل رحال
و ارفع كفوفك له ترى الله كافي

و اعرف ترى كلٍ من همومها شال
و لا عاد شفت اللي من الهم صافي

......

يحدني وقتي على شيء مابيه
وامشي على درب المجامل غصيبه

اشيل ضيقات العتب والمشاريه
وادفع من اعصابي وعمري ضريبه

......

لاحدتك سود الليالي على الناس
اصبر على المكتوب ربي يعينك

الناس لو تعطيك وتقول لاباس
يمكن مع الايام بكرة تهينك

......

اصبر على ما جاك وإقبل بما جاك
وحبل الرجا خله مباري لـ حبلك

لو تضرب الدنيا من هناك لـ هناك
مالك من الدنيا سوى ما كتب لك

......

يا شاري الدنيا على ويش فرحان
فرحتك يا ( المسكين ) جدًا حزينة

دام الصلاة بّ جدولك ما لها شان
ابنشدك بِ "الله" وين السكينة

الحمدان....

زلـة لسـآن آلآدمـي بعـض آلآحيـآن
تقـطـع عـلآقـآت آلـرفيـق بـرفيقـه

كم من رفآقہ دآمت آزمآن وآزمآن
عقـب آلمـعـزّھ تنتـہي فـي دقـيقـه

بقلمي

فيني عتب اكبر .. من الكون كله
‏ وفيني على صدة وليفي مشاريه
‏
‏ بس الكرامه فيني تقول خلّه
‏ من لا يداري خاطرك لا تداريه

......