فوق هام السحب ( الشعر الشعبي) على متن القوافي

القلب غرفة جلوسك والحشى سوره
مع كل نـبـضـة خـفـوق اكيد تلقاني

وجـودك اصل السعاده طلتك نـوره
يـفـداك قـلـبـي و خفاقي و شرياني

......

يا جعل وجهك ضحوك و خاطرك سالم
و عسى حنينــك لـ صــوتي دايــم يهبّك


ودّي أخبّيك فـي صدري .. عــن العالم
و أكتـب لك الشعــر و آغنّيــك و أحــبّك

......

نظــــــرة عيونك سهـــــم للقلـب ذباح
ومبسمك شهد العســل فـي الجباحي

وصورتك تشفــــي من الروح الاجراح
ووجهك مثيل الشمس وقت الصباحي

احبــك وحبـك فـي سمـا دنيتـي لاح
وعشقك ملكنـي من جميـع النواحي

روحـــي فـــدا لك انت يا روح الاروح
يا غايــة آمالــــــــي وكـــــل ارتياح

......

ليه واقف بين وصلي والمسافه
تطرق ابواب الأماني ثم تروح

ليه صوتك فيه ربكة وارتجافه
حايرٍ بين المشاعر والجروح

ليه احس بخاطرك شيٍّ تخافه
هات خوفك واتبع احلام الطموح

جرب اقرب ماعلى الدنيا حسافه
الغموض أول مشاوير الوضوح

لا الهوى ذنبٍ ولا القرب اقترافه
لا الرحيل اجرٍ ولا التوبه نزوح

......

يازين طبعك والوفا منك وفيك
ورثت من طيبب البداوه الاصاله

كلك غلا كلك حلا الله يهنيك
حتئ الوفا بك خصلتٍة من خصاله

علئ شان ذا قلبي يحبك ويغليك
انت الوحيد اللي اتمنئ وصاله

كل الخصال الطيبه في مباديك
الريم لا شافك خجل من جماله

والله لو تامر علئ اعيوني اعطيك
حبك ملكني وماادور بداله

مااقول اشر خاف تتعب اياديك
واخاف تتعب يوم تكتب رساله

رنه صغيره بالتيلفون واجيك
ياامنيه المجبور ويا راس ماله

احارب العالم على شان ارضيك
من زود حبي لك وماهي جهاله

......

اطنخ تدلل دام أنا وأنت حبيبن
تفداك روحي كان روحي تسدك

ديرتك قلبي والشوارع الشريين
تمشي مع الشريان من حيث ودك

ياغرام العمر قلبي محتويك
من قديم الوقت وضلوعي تضمك

أن طلبت القلب قلبي بين يديك
وإن بغيت الشوق خافقي يمك

......

جنست حبك داخل الروح تجنيس
وقـلبـي لحبـك صـار مـبنـی وزارة

انـت الـوزير الي تدير الاحاسيـس
وعقلي لحبـك صـار مكتب سفارة

......

ياطير ياللي في السماء تنفض الريش
‏خــــذني على ريشك لدار الحبايب

‏مافي السماء ياطير نقطه وتفتيش
‏ولا على العشـــــاق يعطو ضرايب

‏من دون حب صويحبي كيف باعيش
‏اخــــاف يذبحني هوى قلب ذايب

......

مالي مع الناس لا مطلب ولا غاية
لاسلمت منها فهذي غاية المطلب

لاصرت في خير وبصحة ترا كفاية
هذي هي اكبر غناة وخيرة المكسب

......

لبيه حاضر وش الي تطلبه قلي
وش غايتي كان ما لبيت مطلوبك

بس انتبه لاتناديني وانا اصلي
يمكن اخلي صلاتي والتفت صوبك

......