فوق هام السحب ( الشعر الشعبي) على متن القوافي

‏اطيب كلام الشخص لا جاك في حلّه
‏نفسك لها حق فـ انزلها بـ منزلها

‏صحيح انا معك فـ مجامل عباد الله
‏لكن على حساب نفسك .. لا تجاملها

......

ياطير سلم لي على كامل الزين
وقله لماذاء غـــاب عني وغيب

ما جـــت رساله او ظهوره تبين
خــــلا وليفه في غيابه تعيب

انا اعرفه وافي بــ المحبه رزين
بـس الغياب عني اشوفه غريب

يازين وينك تعال يااكحل العين
ما هاكذاء يازين يعملو بلحبيب

لاشفت حرفك هي حياتي تزين
هيا تعالي كن لحرفي استجيب

على فراقك قلبنا شوف حـزيـن
بكثرت الغيبه احتواني النحيب


.....

‏بعض البشر يكفيك منه كلامه
‏فيه الأدب والطيب زايد والأخلاق

‏يفرض على كل العباد احترامه
‏وينطبع قدره في اعماق الأعماق

......

رجاي بالله والأمل دوم موجود
الخير عنده لا نوىٰ يَسّره لي

جزل العطايا خالق الكون معبود
المعتلي سبحانه الواحد الحَي

الآدمي يسعىٰ بحياته علىٰ الزود
ويجي له المقسوم ماغايب ٍ شي

......

‏عليك الغلا مردود يـ الغايب الموجود
‏سوالفك غابت مير طواريك ماغابت

‏غيابك حضورٍ له بصدر البيوت شهود
‏وش اللّي يغيب ضحكتك والغلا ثابت

‏أحنك مثل ما أحن وجهي من المنقود
‏وأعدك ليا عديت الأيام وش جابت

......

‏سبحان ربي مـن رفـع هامتــك فوق
‏وسـط الضلــوع الكاســـرات النحيله

‏غالي ولك موطن فـي الروح منسوق
‏قــدرك فــي الاعمـــاق مـافـي مثيله

‏مستوطن اشواقي ولك كامل الشوق
‏ساكـــن بعـــرق الدم جــاري بسيله

......

هذي قوانين الصدف والأماكن
وهذي مقادير الزمان وظروفه

تشوف ناس كثار صدفه ولكن
واللي تمنى شوفته ما تشوفه

......

ياالله يلِّي من ترجـاك يعتـــــاض
ياواحـدٍ ملـزوم نَتْبَــعْ فروضــــه

يالله يارزاق ياخير عواض
لامِن بغيـت العبـد تاقف حظوظه

يامن شفيت أيوب من عقب الأمراض
تكتب لعبدك مارجاه وتعوضه

......

أنا عن الحبّ لامنّي نويّت السفر
يردِّني حبّي لمحبوبي بحيّنها

اللي غرامه مشبعنّي سرور وفخر
في أول سنين الغرام وتالي سنينها

......

انت الاول في عيوني والحبيب الغالي
لايهمونك عساهم كلهم يفدونك

لو تفتش حضرتك في قائمة جوالي
ماتشوف إلا عيوني في محيط عيونك

......