فوق هام السحب ( الشعر الشعبي) على متن القوافي

ارضي الله ووالديك لا بغيت السعاده
اما البشر لو زعلت مع الايام تتعوض

اقضي العمر نسيان ولا تنسى العباده
حق الله مفروض من اركان وفروُّض

ولا جاء يوم وحوزت افرش السجاده
ترى ماخاب من سلّم لله امره وفوض

......

اراقبك والقلب داخل حـــسابك
متا بنورك في عيــوني. تـــبان

اخاف لو جيتك ودقيت بابك
ماعاد. تعطي من يريدك مكان

اقلق اذا شفتك مطول غيابك
وارتاح لاشفت اتصالك كمان

احيان احس اني ملاحق سرابك
واحيان احسك لي بكلك امان

احيان ودي بس لمحه جـوابك
واحيان اقل قلبه احسه ملان

حاير متيم فيك ماذي جــرا بك
والخوف منك لو خسرت الرهان

......

‏بعض البشر أجمل من الشعر والبوح
واجـمل مـن الوان الرسـم والمعاني

وبعض البشـر ترد في نبضكوالروح
مـن تبتسـم لك يبـتـدى عـمـر ثانـي


.......

مابه جناب دماث يحمد أربابه
كود الرجاجيل وكتوف الأراضيني

بعض الرجاجيل يطمع به ويلقابه
مهما أغتنوا عنه ؟ عادوا له فقاريني

مثل الجبل ينلقى به مطمع ذيابه
يركض به الذيب لين يعوّد حصيني


سعد بن جدلان

انت يا نصّاب ياهوه يا حضرة جناب
كل ما دار النظر فيك شيء لبّ له

إعتراضة مهرة في غيادين الشباب
والتصفّح خيرة البل مع المتوبّله

لا نصبت لفاتناتٍ تحزّم بالثياب
ونرجسياتٍ تخلّي العقول مهبّله

لو حصل لي منك يا زين ما لذّ وطاب
احتفلت وجبت رقاصه وجبت مطبّله


سعد بن جدلان

الله يرحم ابوك وامك ويلحقك بهواك
كلنا للي تقولين آذان صاغيه

أنت مطغيك البها لين حدّد مستواك
يعني أكبر مجرمه حب وأكبر طاغيه

شوفتك للي فؤاده مريض في حراك
جنّة ما ينسمع في طرفها لاغيه


سعد بن جدلان

وش بنا وش ذنبنا حبنا من حبّنا
الديار بخير من زارها ما ذمّها

لا أنعزل شمامتين من الطلع اقرنا
ومرّها الساقي وهبّ الهوي من يمّها

أتعب أنا كل ما أشوفها أتعب أنا
واحترق واذوب وأروح في عين امّها


سعد بن جدلان

تدري وش مسبّب القالون والجلطه
وتدري واش اللي مخلّي عارضي شايب

وتدري وش الغلطه إليا قالو الغلطه
لا صرت مؤمن وتآمن واحدٍ خايب


سعد بن جدلان

أقول في وقتي اللي معـك مـا يكتمـل
الوقـت غـدار و الدنيـا قليلـة حـلا

من شاف و جه الغلا يضحك بوجه الملل
و الله ان يخلي لزومه و يتلقّـى الخـلا


سعد بن جدلان

روسنا شابت ودنيانا على زمة صباها
وامتلينا آهات من بعد الطموحات الصعيبه

كثرة الآهات من كثر الجروح اللي وراها
كل جرح منه آه وكل آه منه شيبه


سعد بن جدلان