اخترنا لكم

جعل ربي فالنشاما مايخيّب ضني
والله يجعل كل طيب محسنن بي ضنه

الكفو يعجبه طيبي لأنه اطيب مني
والردي يوجعه طيبي لأني اطيب منه

.....

عسى الله يجمعنا على العز والطاعه
ويجعل قلوب الناس للخير مجتمعه

حياة الفتى بالطيب والجود نفاعه
وش الادمي لو يفقد الطيب والسمعه

.....

احب الكريم اللي على الطيبين يجود
واحب المطر لو كان سيله مجنبني

واعرف الردي لو زاد ماله رداه يزود
فلا يعجبه طبعي ولاهو معجبني

نجاح الفتى سمٍ على اهل الكبود السود
يموت الحسود بجرعة الهم والغبني

وتجزعت من راعي الردى راعي المنقود
عدوٍ شريف ولاخسيس يصاحبني

.....

من خلقنا الله وحنا عزيزين النفوس
مانوطي شمخ الروس غير لربها

الليالي علمتنا وصمينا الدروس
نعرف النفس المريضه ونعرف طبها

.....

احفظ لسانك عن الزلات والنمه
خل المخاليق للخالق يحاسبها

خلك كما الصقر ميكاره على القمه
والسمعه العاليه بالطيب تكسبها

.....

حي الرفيق اللي له الطيب منهاج
اللي ليا جيته يضوي سراجه

لو ماقضى حاجتك لاصرت محتاج
على الأقل تكفيك ضحكة حجاجه

.....

ياصاحبي في وقفتك كيف أجازيك
وأنا أدري إنك ماتدور عوضها

مايجعل الأحرار مثل المماليك
إلا معاريف الرجال ببعضها

.....

من جزانا باالوصل والغلا ندبل جزاه
خوة الطيب تنومس وترفع للعلا

أفتخر في خوة اللي يشرفني نباه
جعلني من رفقة أهل المعزه ماخلا

.....

من لانجح في فروض الله ما له نجاح
لو الذهب والسيوله تحت ملكيته

.....

العبد ماله غير ما كتب باللوح
ومن يامن الدنيا تراها تخونه

الموت عقب الف سنة مانسى نوح
ودفّانة الميت يبا يلحقونه

.....