فوق هام السحب ( الشعر الشعبي) على متن القوافي

راقت لي حروفك وحبيت اجاريك
عطشان ودي آذوق من ماي نهلك

وودي انا من بحري اعطيك واسقيك
وتنبت زهور الفل في وسط سهلك

واقطف لك الورده وزورك وأعطيك
وارجع وريحي عطر من ريح فُلك

.....

‏إن جيتني مشتاق جيتك تراحيب
وإن جيتني ضميان جيتك سحابه

قلبي وانا اعرفه يوديك ويجيب
لأقصى الخفوق اللي يحبك ترابة

الليل وعيونك لقلبي مكاتيب
ديوان حب وضمني في جنابه

......

‏من غيابك كل يوم أكتب قصيد
‏وأسال أحساسي وش اللي مبعّدك

‏فاقدك من وقت لكن مو جديد
‏الجديد أني تعودت أفقدك

......

أبيك تضمني ضمــة غــــلا فيها حنان وشـــــــوق
أبــي أتــوه في نظـــرة عيونك وأنثر أشواقــــــي.

أبي ضمـة دفا تروي ضمى في خــافقي المحروق
أبيـــك ولا أبـــي غيرك غريب يبعثر أوراقـــــــــي

أبيـــك أنت تبعثرني وأبيــك تلمنــــي برفـــــــوق
أبـي أحس إنك يالغـــــلا مشتـــــاق لعنــــــــــاقي

أبي تنسى وتنسيني الولـه وأنسى هذاك الشــوق
وأبي أكون في دنيــــــتك أنا العطشان والساقــــي

......

انا راحتي قربك لو قربك جرووح
لوكانت الفرقا قرار اتخذته

بين انتظاري في ذهابك بقت روووح
ترقب بشاير طيفك الي احتظنته

ليه ولكن لا مسموح لا رووح
هذا كلامك بالوداع وسمعتة

......

انتظرتك والوعد فيني زهر
وذبلت الاوراق فيني ما لفيت

الدقايق كنها صارت شهر
في غيابك وانت وينك مادريت

كرسي العشاق مكسور الظهر
وينهم اثنين لاجوني حييت

......

نسهر ولا نرقد على شان غالين
ونـتابع اللي للاسف مـا ذكرنا

وان حل طاريهم فتحنا دواوين
وزان القصيد اللي عليهم جبرنا

وقمنا نسوق الشعر يسار ويمين
نوادر اللي مـن سمعها عذرنا

نوادر اللي مـا شرتهـا الملايين
من طيبها مافيه حرفن كسرنا

لادنـدنت صارت تـدك الميادين
ولافيه شاعر مـا تجنب خطرنا

يااهل الهوى حنا غدينا مجانين
وياليتنا مـن حجنا قـد سلمنا

معاد بـه صادق ولا فيه وافين
ناسن تقلب والزمن مـا رحمنا

ليت فالمـحبه يـاجماعـه قـوانين
ونحاسب اللي فالمحبه جرحنا

......

صـدّيت عنّي رغم حبّك ومغـلاك
مالي سوا الذكرى مع احلا البقايا

تدري وش اللي مايخلـّيني انساك
أنّك رحلـت ولك معـايا هدايا

......

‏مساء الوفا والخير يا حلمي المنشود
اشوفك بـ قلبي كان حبي لك أعماني

أنا أحلامي البيضا فـ هذي العيون السود
من اللي يرجع بيض الأحلام لـ اجفاني

فقدتك وانا اعرف الوله فاقد ومفقود
و شوقي لك إليا مرّني ما تعداني

......

‏لاتوصيني ولا أحتــاج في حبّك وصاه
‏لوظروف الوقت من دون وصلك حايله

‏الغلا لك والمحبه على كل إتجاه
‏لا يهمك دام حبك في قلبي شايله

‏لو تباعدنا وشانت مقادير الحياه
‏مـــاسكن غيرك في قلبي ولاحد طايله

......