اخترنا لكم

لبّى الديار اللي بها تسكـن الـروح
‏ولبّى الفكـر يــومه مكث فـي ديـاره

‏حبيبي اللي نظرتـه تبـري جـروح
‏والقرب منّـه فرحتـي لـو زيـاره

.....

‏كيف اكف دموع عين تشتهي شوفك مدامه
لا بكت وحده بكت الاخرى من اللهفه معاها

يا عواذيل الوصل كفو عن العاشق ملامه
ان وصلها حي ولا مات عند الله جزاهاا

ان زعلتوا وان رضيتوا ما يلحقكم ملامه
الزعل والله زعلها والرضى والله رضاها

.....

ياشينها لا صار خصمك قريبك
خصومته بين المعاليق تجرحك

إن طبت به ماشاف فعلك وطيبك
وإن شنت به عند الرياجيل يفضحك

.....

‏من حلاها ماتوصفها الحروُف الابجديه
كيف توصّف وردةٍ يبري العلة شذاها

الورود تغار منها مزهرية مزهرية
وان تباهت عذرها معها يحق لها تباها

ما يشابها شبيه ولا يحاليها حلية
جل ربٍ يوم صورها فرقها عن سواها

.....

والله اني بوسط الناس كني خلاوي
من يلوم المفارق عقب فرقى خويه

أشهد ان المفارق من عظيم البلاوي
مير هذا نصيبك يالعيون الشقيه

اتجلد واقول اني على البعد قاوي
والله اعلم بقلب فيه الاشواق حيه

.....

‏ما عبس وجه الزمان إلا لقيتك من وراه
ضحكةٍ تطرد سراب الخوف وتغيث الطريق

.....

أنتِ الِّلي تستحقين مالا تملكين
من كنوز الأرضْ ومن الحفاوه والرحاب

والله إنك يوم تمْشين بين العابرين
ودي إن الأرض تحتك ذَهب ماهي تراب

.....

تدري وش اللي يجرح القلب والروح
انك تذوق المر ، وتقول حالي

وتضحك ولا كنك من القلب مجروح
عشان ماتجرح لك انسان غالي

.....

أعتبرني عن قديمات الزلل متعامّي
عذرك أكبر من خطاك وزلّتك مقبولة

.....

‏عطوني اللي مرّها ماهو مثل مرّ الحياه
‏ما كنّها إلا ترفةٍ يستر زعلها زينها

‏إليا لذعت طارف لساني ردّت إلي الانتباه
‏وإليا وصلت لأعماق راسي قلت مبطي وينها

الدله