فوق هام السحب ( الشعر الشعبي) على متن القوافي

لابد من عقب المطاريش معواد
ولابد من عقب المواجع عوافي

ولابد من عقب السهر لذة ارقاد
ولابد من عقب الكدر جو صافي

سعد بن جدلان

يامساء الخير والنور وانسام الزهـور
بالمحبـه والغلا من ضميري للجميـع

لو يبـور الوقت معنــا ترانا ما نبـور
نشتري قـرب القلوب النقيــه ما نبيع

الحمدان....

‏يآليت مٓــنّ ودي عيـوني تشوفه
آلقآه وآقف بين رمشي ورمشي

ويآليت مٓــنّ جآرت علينآ ظروفه
نلقآه لو صدفه مع آلنـآس يمشي

......

رَبَّــــاهُ صَـلِّ عَـلَى الـنـَّبِـيِّ مُـحَـمَّــدٍ
أَزْكَى الصَّـلَاةِ وَسَـلِّمَنْ تَسْـلِيمَا

بــَــارِكْ عَـلَـيْـهِ وَآلِــهِ مَـعْ صَـحْبِــهِ
وَالْقَائِمِـيـنَ بِنَهْــجِــهِ تَـقْـوِيـمَــا

وَابـْعَـثْـهُ مَحْمُـــودَ الْمَقَـامِ مُكَـرَّمَـا
أَنْتَ الْكَرِيمُ فَـزِدْ لَهُ التَّــكْرِيمَـا

اللهم صل وسلم على نبينا محمد

ياوقت مالي فيك حاجه ولا شي
ولاني بقايل ارحم الحال ياوقت

رزقي على اللي بمره الادمي حي
ماغيره اللي اطلبه كل ماضقت

......

‏تبي الصحيح أني بليـاك مفقـود
‏جسمي هنا والروح عندك وهايب

‏تفداك عين تنظـرك وأنت موجود
‏ويفداك قلب يذكرك وأنت غايب

......

القرب لهفه تجمع الروح بالروح
مايمنعه بين الحبايب مسافه

فيه الغلا شوقه من البعد مفضوح
صدق الولا زاده حنين ولطافه

على النقا فيه الوفا ساس وصروح
عدله ثبات ولايجيه انحراف

......

‏فيـــك الرفاهيــــــه لهـا عـــدة الوان
ذوق ودلال وعِـــــز واحســـاس راقي

اعميت عينـي من هـواء اي انسان
واخــذت قلبـي يا الغـلا من عماقي

واشلون ما احبــك وما اكون سكران
من خمـــــر حُبــك يا لذيذ المذاقي

......

ناس رغم الفقر تبني للخراب
وناس تهدم مجدها رغم الغنى

و ناس في الصحراء تبحث عن سراب
و ناس مثل السيف عمره ما انحنى

ما حسبت الصقر يتحول غراب
أو يغيب الصدق في دار الفنا

نحن من آدم و آدم من تراب
يا صلاة الله على احمد و الثنا

......

‏كتبت لي جملة على شاطيئ الشوق
وعبرت فيها عن مضامين شوقي

يوم احتضنها موج الانظار عن ذوق
واستلهمت احساس فكري وذوقي

اخذت لي مع سجة البال طاروق
وغنيت لحن استاحشت به عروقي

......