اخترنا لكم

القهوه اللي تعدّل راس شاربها
ماهي تعدّل مزاجه لانها حلوى

تبقى المراره على كبده تحاربها
ويقلّب الراي ملوى تقتفي ملوى

يبني هجوسٍ كثير الهم خاربها
لعل نفسيته تصبر على البلوى

حتى يعلق رسنها فوق غاربها
مادامها من غرابيل الزمن تلوى

.....

‏رضا الأوادم لا فضيلة ولا فرض
وان ضاقوا فجوج الأراضي رحيبه

.....

اللي تحامل على وجعة محبينه
خلوه يصبر على حظه وخذلانه

ما طيّح الدمعه اللي من ورى عينه
الا ممات الكـلام اللي على لسانه

.....

‏ما يضاهي عزّة النفس بالدنيا غناة
عن دروب الذل يا خطوة العز أنتحي

سفر الدغيلبيّ

تصد النفوس اللي من الشين نفّاره
مثل صدة الطيب عن الكلمة الخبله

.....

استريحي فالمعاليق يالضبي اللعوب
واسكني في ضِلع قلبي ونامي بايسره

.....

أحب اللي محبّتهم تدوم سنين ما تنعاف
ماهوب ياللي محبّتهم سحابة صيف خداعة

------
سمحين ونصون الهوى لا هوينا
صلفين لا ثار العَجاج وتطاير

خلف بن هذال

تبغى تصير إنسان عايش براحه
لا تشغل التفكير فأوضاع غيرك

واصنع لنفسك في حياتك مساحه
وابعد عن العالم وريح ضميرك

.....

الغزال الي يسمونه البدو اللعّوب
الله يسمح دروبه ويمحي سيته

من تولع في عيُونه وهو ناوي يتوب
والله إن يومي به الموت ما اخلص نيته

.....

الطواري صاخبة و الفرح وجهه شحوب
طارقات البال تبغي لها مرتاح بال

.....