فوق هام السحب ( الشعر الشعبي) على متن القوافي

الغلا اللي تبيّن قيمته بالوجيه
هو وقود الحياه ومصدر إلهامها

اشهد ان لك غلا لو اكتبه واحكيه
بح صوت الحروف وجفّت أقلامها

......

يديمك الله ياوجهٍ كل ماشفته
اشوف سـجات عمري في تفاصيله

اضيع مابين سالفتي وسالفته
وانسى معه ماضي الوقت ومقابيله

يا اجمل احساس حسيته ولا عفته
من يوم ذقته وجازت لي معاميله

......

عينها عين* اللي تتل السبوقي
شيهانةٍ تلفت نظر كـل صقَّار
⠀
توصيفها حيّر جميع* الطروقي
الشعر فيها تاه والشاعر احتار

......

محتزم لظروف الايام بالصبر الجميل
ومن نشدني قلت طيبّ واموري طيّبة

مارجيت من البشر لا كثير ولا قليل
في رجا اللي من رجا رحمته ماخيّبه

......

‏نمشي على بيـــــض النوايا والاسباب
لا همنا المقفـــــــي ولا من جفانا

لا نسأل الواشـــي عن العيب لاعاب
ولا ننشــــــد اللي خاننا في قفانا

بعض الصداقـه مثلها مثل الاسراب
تغري نظـــرنا وقت لحظه ظمانا

وإن جيتهم ظميان صارو لنا اغراب
حتى قريــــب الناس ماعد لفانا

......

‏أبشرك سكرت من دونك الباب
ولا عاد يشملك السكن و الضيافه

اسلم وسلملي على كل من غاب
الخاطر اليا عاف له شي عافه

......

ياقلب لا تتعــب وواصـل تحديك
وخليـك من درب المقفين ساهي

ولا تتبــع إلا من يعــــزك ويغليك
واللي ابــد ماغــاب عنــك وتاهي

......

‏يا قلب لا تنجرح وفر لي احساسك
‏انا ادري انك تجي دايم على النيه'
‏
‏لا لا تفكر تحب شيل الحب من راسك
كل العلاقات هاليومين وهـميه

......

‏دلة أهـل المفارق كـل ساعة تفوح
بين جمرة عذول وبين كلمة خوي

كـل حاجة مـع الأيـام يمكن تروح
غير حـبٍ تربع فـي ضلوع ابدوي

......

ال‏هنوف اللي تزين ولاتزينها القلايد
القلايد لابغيت الصدق تزها في نحرها

والله ان الشاعر اللي مالي الدنيا قصائد
كنها تربط لسانه مثل ماتربط شعرها

الغزل صار بنظرها عادةٍ ضمن العوايد
نادر اللي لا مدح في زينها يلفت نظرها

......