اخترنا لكم

‏الود نعمة والتواصل براهين
‏واجب تواصل كل شخصٍ تودّه

‏وان كان في الزحمة تضيع العناوين
‏يا طير خذ مني سلامي وودّه

.....

‏ياليتني دكتور في مهنة الطب
‏واعالج اللي مشاكلهم صعيبه

‏واول مريض اعالجه صاحب الحب
‏اوقف بجنبه لين ينسى حبيبه

.....

‏مالي ملام إن كان شافوني تغيّرت
‏أنا أكثر من كفى شره وماكفى خيره

‏عليّ السلام ورحمة الله إذا قصرت
‏أنا أكثر بني آدم عطى فرحته غيره

.....

‏معنّق تمشي على الارض برفوق
رزم المطر دقة كعبها على القاع

مثل النهار اللي من الليل مفهوق
و مثل الغزال اللي من الصيد مرتاع

عن كل غيدا فارقه حسن وطروق
وتفهق عن عقول النساء باع وذراع

.....

‏عادةً نتلعثم عندما نقابل من نحب
وأبن جدلان رحمه الله شرحها بطريقه
مذهله قال :

اجمع له سمان الهرج خوف من التقصير
واليا جيت أبشرح له كلامي تهيزلته

يجيني منه هيبه معزه سحى تقدير
أقابله عندي علم وأروح ماقلته

لاتحرق أعصابك على شي ماضي
مافات فات ومستحيلٍ رجوعه

خلك على ماجاك صابر وراضي
ولحدن خبر دنياه تمشي بطوعه

ولا لك على حكم الإله أعتراضي
والصبر مبدى كل نفسٍ قنوعه

واشتك على خلاّق سبع الاراضي
اللي رفع عن كل مهموم روعه

سبحانه

بن جدلان في قمه الشوق قال:
كثر ماحن صدري للونيس وكثر مادرهمت
فجع صدري حنيني واتعب الاقدام درهامي

بعد الخيبه قال:
أحسب انك تيمم بأتجاهي وين مايمّمت
اثر لا انت ب وراي بالطريق ولانت قدّامي

وعند انسحابه قال:
ختام السالفه ياطيب العشره كرمت ودمت
هذا حقك علي وحق شرهاتي على أوهامي

هذي نهاية كل من والف هنوفٍ مترفه
يضحك مع العالم وتفكيره وقلبه يمّها

عجب المسردي

ما بعتك بالسحايب والبروق السمر والأنسام
وساموني بتلويحة وداع وبعت بأوّل سوم

مدغم أبو شيبه

دايمٍ تخطي واسامحك من قلبٍ ودود
وادمح الغلطه ليا جات كن محدٍ درا

هات من عندك من الصد وأنا اللي بزود
لين تدري وش معناة مردود البرا

.....