اخترنا لكم

وان ودكم بالي حصلي تعرفون
اخاف من هرج العواذل لا ابتلوا

الهم والتفكير واكثار الظنون
تناوشو حدب الحنيا واقتلوا

ماتت عروق الروح من كثر الطعون
ياللي عروق الروح عندك قد سلوا

.....

ضحكت مابغى الناس تدري يبالفيت
لكنها غصب على العين ساحت

حارت دموعي في عيوني وصديت
ورمشت ابيها ما تبين وطاحت

.....

تصبر على بلواك واصبر على بلواي
أنا لو ما اكتم عبرتي من يناحيني

أشوف الخلل والحزن بين على ممشاي
وأمسك وجامل لين بان الخلل فيني

اقضي نهاري في المشاوير رايح جاي
لكن البلا مع غيبت الشمس ياتيني

‏البساط الأحمدي مع واحدٍ يغلينا
‏ خير من ناس نجالسها ولا نامنها

.....

‏من سمَع صوتك وهو ضايق من الدنيا
‏ ترجع له الضحكه اللي مبطي عنها

.....

‏القلب لك لو يفصل بيننا عرقين
‏ولو الدنيا صعبه معك هي عوافي

‏ان بغيت لك الروح بيدك اليمين
‏ما عطيتها الاقرم وشيخٍ سنافي

‏عشت لك بالدنيا وانا املك قلبين
‏قلب باقصى الصلح وقلبٍ لك وافي

‏المحبه تزيد وانا على علم ويقين
‏ما ضاقت بي الخطوه وانت خلافي

.....

‏على البال ياللي كل ما مرني طاريك
‏بدت كل تنهيده تمارس هوايتها

‏انا لو ينسيك الزمن ماني بناسيك
‏محبتك قصه ما اقدر اكتب نهايتها

‏لو الوقت يرجع قبل اعرفك وقبل اجيك
‏وقبل الهقاوي تنثني دون غايتها

‏بروح انتظر فأول مكان جمعني فيك
‏وبعيد تجربتي معك من بدايتها

.....

وش حيلة اللي شاف بعيونك بلد؟
ولو غابت عيونك يحس انه غريب

مافوق قدرك يابعد عمري احد
ومابعد حبك ياضيّا عيوني حبيب

.....

عطني عهد وأعطيك كل المواثيق
عطني الغلا وأعطيك كل المودة

.....

‏مـن عرفـتـك والغـلا فالصـدر لله دره
‏يا أجمل ارزاق الحياة ومكسبي واقـداري

.....