اخترنا لكم

‏الكفو لا شال همه شال همّه بروحه
‏ولا من فرح وزع على اللي حواليه

.....

‏يقولون قاسي قلب واقول لا والله
‏ولكن علاج الصده ان طالت الصده

‏انا ويش اسوي ذا خفوقي وذا مبداه
‏اذا حب من جده واذا صد من جده

الحبابي

متفائل بشكل ما يوصف وعندي يقين
‏اني تجاوزت بامر الله تعالى الشقى

‏ايام واعانق الفرحه معانق ثنين
‏تعانقو فالوداع اللي مابعده لقى

.....

العمر يفنى والحياة أحلام والدنيا متاع
‏يا كمّ نفسٍ روّحت ما حقّقت مطْلوبها

.....

خلك مـع أهـل المكارم صافيين القلوب
وأبعد عن الـلّي يحاول بالزمن يجرحك

الوقت يظهر لك الصادق ومن هو كذوب
ووقت الـشدايد بتعرف من تجمّل معك

.....

كلمة شكر يابوي ماتوفي الشعور
واحساسي صوبك يابعدي أكبر كثير

مهما شكرتك لازم أشعر بقصور
بنتك يابوي دايم تشوفك كبير

.....

‏لوهي حقيقة كل مطرود ملحوق
‏ما فاتـــنا شيٍ من اللـــي طردناه

‏نطرد وتبعـــدنا مسافات وفروق
‏وللـــي نريــده فاتنـــا ما لحقناه

.....

‏ترى يمرّ بصـــدر الانسان ضيقة
‏تأخذ بصدره يـوم يومين وتـروح

‏والمزح له وقت ومكان وطريـقة
‏بابه ماهو في كل الاوقات مفتوح

.....

‏ســلم على الوافي اللـــي نيته زرجه
‏اللي على الطيب و فعول الوفا دارب

‏ان غاب عـن صف ربعه بان له فرجه
‏له وقفــةٍ دون ربــعه كنـــه محارب

‏واليا حضر فالمجالس ما كثر هرجـه
‏واليا هرج هرجته تجمد على الشارب

.....

لك في عيوني يانظرها مكانه
ماطالها قبلك ولا بعدك إنسان

أنت الغلا كله ونبضه وشانه
تفداك عيني يابعد كل الاعيان

حمد السعيد