فوق هام السحب ( الشعر الشعبي) على متن القوافي

‏شدّوا بدو قلبي عن ديار قلبك
‏والبدو لا شدّوا عن الدار يبطون

‏وإن سألوك الناس وش كان ذنبك
‏قل البدو لا عافوا القاع .. يمشون

.......

لي ذوق راقي حاز كل المفاخر
واسلوب نادر في محاكاة الانفاس

وشعاع فكري ضم كل المشاعر
والشعر زاخر والهواجيس اجناس

ياحب متأخر من أول واخر
ارجوك لاتاخذ على خاطرك باس

حبي من الاعماق مش حب عابر
ولا مجرد جس والا تعسعاس

قلي متى بالقاك اي حين اسافر
اسري عليك بليل في جنح الاغلاس

واشم عرفك شم واعمل نوادر
واعرفك معنى السلى والتئناس

......

‏انا اعتبرتك غير عن باقي الناس
‏وانت اعتبرني مثل ما انا اعتبرتك

شفني ليا ذعذع مع الليل نسناس
‏همّلت كل الذكريآت وذكرتك

......

‏زعلّني الوقت والظاهر نسيت ارضى
‏مدري الصبر غلطتي ولاّ الوفا عيبي
‏
محتاج قلبٍ يطلّعني من الفوضى
‏يشعل بصيص الامل ويعيد ترتيبي

......

‏تعبت من طرد السراب المقفي
‏أطرد ورى حلـمٍ ليـا أقبلـت قفى

‏الوقت عيّـا لآ يوقّـف بصفي
‏والحظ مدري نام والا توفى

......

‏بعلّمك وش داخل الصدر وأهديك
‏بيتٍ على بحر الأحاسيس موزون
‏
‏يومي ليَا منه بدا وإنتهى فـيك
‏إيوالله إني أسعد إنسان فـ الكون

......

‏مايدوم الحب لاصار به قل أهتمام
‏يـا تزيده بـ المواصـيــل والا فكني
‏
‏لاتقول أني أحبك ترا سهل الكلام
‏حبني مـــن قلب والاّ لاعاد تحبني

......

‏الحلم يجمعني بكم كل ليله
‏يطوي بساط البعد ِ مابيننا البين

‏صارت حلوم الليل عندي وسيله
‏اشوفكم يااحباب وانتم بعيدين

‏لا زلت في ذكرى الليالي الجميله
‏لا من طرالي ما مضى هلت العين

......

‏تغانم الوصل لان البعد لا بده
‏يأتيك في يوم ثم ياخذك بـ أدراجه

‏غالي وتبخل علي وتطول الصده
‏الله يسامح غلاك و يقطع الحاجه

......

‏لك طلة تسوى من الناس مليون
‏تدري ترى المليون لاماكفاني
‏
‏اكبر من اللي قلت واللي يقولون
‏تبي الحقيقه طلتك شي ثاني

......