فوق هام السحب ( الشعر الشعبي) على متن القوافي

‏وش حيلة اللي شاف في عينك بلد
‏وأن غابت عيونـك يحس أنه غريب
‏
‏مافـوق قـدرك يابعـد عُمـري أحـد
‏وماغير حُبك .. ياضيا عيني حبيب

......

حنا لنا فيكم من الحب خاطر
في ذمتي لو نملك الريش طرنا

صحيح ماجان من الغيم ماطر
لكن ترانا من غلاكم مطرنا

.....

أشهد أن المفارق من عظيم البلاوي
مير هذا نصيبك يالعيون الشقيه

أتصبر وأقول إني على البعد قاوي
والله أعلم بقلبٍ فيه الأشواق حيّه

......

‏ابوي ينطح كايدات المواجيب
‏وماله لغير الطيب مقصد ووجهه

‏ماهي غريبه ليا امتلى عارضه شغب
‏والناس تدعي بيض الله وجهه

......

‏يستر الله على ويستر عليك
‏ ياغرام ذكرته عقب هب الهوى

‏لا يغرك سكوتي يعلم الله ابيك
‏بس حظي وحظك مايبينا سوى

......

الشـــــوق يذبح لكن القلب صبار
وعلاج قلبــــي في وصاله دقايق

جبار يا شـــــوق المـــواليف جبار
تجرح بدون عــلاج وهذه حقايق

......

قد مات قلبي ضماء ولا لمره روي
ولا تجمل جميل الحسن حتى رواه

اوتار قلبي من الاشواق كم تكتوي
ذا حب قلبي تفنن فن لما كواه

......

مهجتي تهواه بالصــــدفه وحظ
كيف لو عاند نصيبي في الحظوظ

لو اردت انـساه وجداني اعـترض
والوله يرجع بتفــكيري يخـــوض

كم رســم له في خيالي وافـــترض
يا قسى محبوب يعطيني الغموض

لو لهيب الشوق في شعري انتفض
لا تــلمــــني انت يا بحر العـــروض

الهـــوى لو صار في روحــي مرض
لا تـــــداوونـي بغــيره للنــــهـوض

منــيتـي ذاك المـحنى والغـــرض
جانـح الفرسان في حـبي يـروض

.......

‏تعال ياللى عنـدك القلب مخطــــوف
ورمــي بحـبك في مـواجع حضــوري

تعال دام الروح للـــوصل مـلهـوف
واحضن احاسيسي وهـــيج شــعـوري

صدري بصدرك يجعل الشوق ملفـوف
واسبح بطيفك في مواني بحـــوري


......

‏ماعاد بالدنيا رفيق يصافي
‏ذاك الرفيق الي يصافيك ماعاد

‏حتى الوعد راعية ماصار وافي
‏يخلف مواعيده على كل ميعاد

‏صارالزمن هذا زمان التجافي
‏لامن فرحت بواحد راح ماعاد

......