اخترنا لكم

‏الاجور مقيّده وانت في قيد الحياه
‏اغتنمها في حياتك وفك قيادها
‏
‏دام رب البيت مغنيك يا مال الغناه
‏اعط يمناك الاجر شفها ومرادها

.....

‏لو كـان نحســب كل زلـة وتقصير
‏كـان البشـر ما فـيـهم اللــي نـوده

‏عيش وتعايش في حياتك مع الغير
‏وإذا أرتـخــى حبل العلاقات شـده

.....

ان كــان ودك تعتلــي راس الهرم
‏اخذ النصيحه واترك اللي ماخذى

‏من قبل لا تسعــى على كف الكرم
‏لا بد ما تسعـــى على كـــف الاذى

.....

‏زعلّني الوقت والظاهر نسيت ارضا
‏مدري الصبر غلطتي ولاّ الوفا عيبي
‏
‏محتاج قلبٍ يطلّعني من الفوضى
‏يشعل بصيص الامل ويعيد ترتيبي

.....

‏على البال ياللي كل مامرني طاريك
‏بدت كل تنهيده تمارس هوايتها

‏أنا لو ينسيك الزمن ماني بناسيك
‏محبتك قصه ما اقدر اكتب نهايتها

‏لو الوقت يرجع قبل اعرفك وقبل اجيك
‏وقبل الهقاوي تنثني دون غايتها

‏باروح انتظر فأول مكانٍ جمعني فيك
‏وبـا اعيد تجربتي معك من بدايتها

.....

على الزعل والضيق طحنا كبرنا
ماعاد فيه أشياء تستاهل الضيق

واذا اعتزلنا الكل محدٍ جبرنا
العزله أصدق من وجيه المخاليق

حتى على صد الحبايب صبرنا
الحلم لولا الصبر مافيه تحقيق

من كثر خيبات الحياه اعتبرنا
العمر لحظة والليالي توافيق

.....

تعبت أجبر الخاطر وانا خاطري مكسور
وآداري مشاعر عالم ما تداريني

أجامل واخبي وأتصنع وأعيش الدور
على إني قويه وأنا اللي فيني مكفيني

يحسبوني يوم أبتسم دايماً مسرور
مايدرون في دمع حبسته ورا عيني

.....

يا ليت الوجيه اللي هقينا بأهلها خير
بقى لونها هو لونها في بدايتهم

عطيناهم الإكرام والحب والتقدير
وعطونا جروحٍ ما تعالج بخيبتهم

شبعنا من العذر ومللنا من التقصير
ولا عاد نبغى منهم الا سلامتهم

.....

ياليت لو لي قلب سالي ومرتاح
المشكلة تنتابني حالة اجنون

دايم وهي تغش المشاعر وتجتاح
واصبر على بارق أمل باكر إتهون

.....

ضايق صدري ولا ادري وين اروح
كل ماحاولت اسلي نفسي ماقويت

ان شكيت الهــم تزداد الجــروح
وان كتمت الحزن من همي بكيت

.....