اخترنا لكم

اعتبرني غير فاهم وعتبر غيري معقد
بس وش هو الي يحدك تستشير من البدايه

يارفيقي هد روعك واسترح وذكر محمد
واسمع الهرج الصحيح وقصتي حتى النهايه

الثقه بـ النفس حلوه وفق منهجها المحدد
كون فخرك واعتزازك ما يقودك للغوايه

واحتقارك للخلايق حكم بـ السجن المؤبد
لن تجد من حولك إلا صورتك ذي فـ المرايه

والمعارف بحر واسع سايره بـ الجرز والمد
لا تقول ان المعارف كذب والشورى دعايه

والذي يعرف ركوب الخيل والموقف مسدد
عادني بـا علمه فن السباحه والرمايه

محسن حسين المصري
اليمن

ياملتقى أرواح وحروف الابداع
‏فيك النفوس المتعبه مستريحه

‏اجيك كلي هم ووجاع وصداع
‏وطلع ونا نفسي تعافت شريحه

‏ابعدت ضيقٍ منه خايف ومرتاع
‏وشرحت نفسي لنفوس المريحه

‏لقيت فيك الطيب لنفس مرباع
‏وعطيتني جوك ودارك فسيحه

.....

خـذ العفو ودايم تَـرفّع عـن الناس
وحافظ على اللي قال سم ان زهمتّه

الله خلقنا ألوان واشكال واجناس
و الكـل واحـد عـنـد ربي و عَـظمتّـه

لكن ترى الدنيا بها رخوم و انجاس
وفيها الكفو اللي فز لك لا احتزمتـه

المحترم قدره على العين والراس
و لا الردي شرهـه لو إنّـك احترمتـه

.....

من يوم خيبو بعض الناس ظني
‏زادت طموحاتي ثقه ما تلاشت

‏خسرت بعض الناس يمكن لاني
‏أخلاقي مع رغباتھم ما تماشت

.....

سلمت نفسي يا مقادير الايام
دام القدر حاصل ولافيه حيله

ليت النهايه مثل تمثيل الافلام
بعد العنا نشوف السعاده طويله

.....

زهرة شبابي من غثاء الوقت ذبله
‏ومن قال لي كيف انت قلت له مسرور

‏صدري غـدا للحـزن والهـم قبله
‏ماجور يا صـدري من الضيـق ماجور

‏في جوفي حروبٍ وللحرب طبله
‏ما بيـن عقلٍ آمر و قلـب مأمور

‏لـو اشتـكي للغيـم بيهـل وبله
‏وتشوف في كبد السماء قلب مكسور

.....

تكشف لك الأيام مضمون الاصحاب
وتعـّد اساميهم بروس الأصـابع


ماجد عبدالله

صغير حساس يتحسس من الملمس
احساس مرهف وبشرح حيل حساسه

يتحسس الجسم من لبسه لا اتلبس
ناعم وارطب من النسناس نسناسه

لباس له خاص ماهو نفس مانلبس
حرير فاخر من اعلى الراس لا ساسه

مايقبل الشمس يتعب لو تمسه مس
من رقته لا تشمس يوجعه راسه

.....

‏جعل نفسي في ذرى ربي ورحمة ربي
من ذنوب الغافلين ومن ظنون الريبه

ماجد عبدالله

لا خانك الطيب وتخمين البشر والشعور
ما يخونك اللطف من ربي وتعويضه

ماجد عبدالله