فوق هام السحب ( الشعر الشعبي) على متن القوافي

اللي يريد القلب والكبد والــــروح

بعطيه روحي له هي اجمل هديه


ومن صد عني بعده الفكر مجروح

لاسامحة ربي ورب البــــريه

......

لو إن النوايا بيّنه والصدور تشاف
‏تباطيت ما حصلت لك صاحبٍ طيّب

‏ صحيب يدور زلتك صحبته تنعاف
‏لو إنّه من أقصى القوم ولا أقرب قريّب

‏أنا ما أخاف الوقت لكني ..الخواف
‏من الناصح الكذاب والشامت الخيّب

‏قليل بحياتك من كسب كامل الاوصاف
‏و كثير بـ حياتك والله إن عرفه يشيّب

......

‏‌

‏غلاك فطره وحبك شي من حالي
والشوق يمك ياروح الروح يدفعني

انت اول الناس يوم اصحى على بالي
وانت اخر انسان قبل انام في عيني

......

الورد لك ماهو لغيرك من الناس
لأنّك الورد الطبيعي بعيني

يكفي فؤادك ممتلي حُب واحساس
يكفي ويكفي إنّك احساس وفيني

......

اما عن الاماني:

تمنيت شي وقدر الله شي وصار
ولا لي سوى وجه الرضى لو تصنّعته

واما عن الخيره:

أنا هقيت إن راحة العبد فيما أختار
وأثر خيرة المولى لعبده مسنّعته

واما عن الواقع:

تبون الصراحه والله إني بغيت أنهار
ظروف الحياه أقسى من اللي توقّعته

ماودي أذكر شي من ذكرياتي
شوفوا لنا رحلة فرح نبتديها

الذكريات الي مضت في حياتي
الله يرحمها و يستر عليها

......

ياجامع الزين و الملح و القبله
ارفق على قلبً غدا منكم شتات

يحن لك قلبي مثل شايبً و ابله
لا زارها من عقب طب و جراحات

......

ليت الاماني تحقق لاتمنينــا
وياليت الأيام تجبر في خواطرنا

على دروب الأمل سقنا خطاوينا
يالله عسى خيرة الأيام تنطرنا

......

الناس في أول لقى ميه على ميه
مشكلتي اني ما اصيد الناس من بدري

عفوي واعامل عباد الله بعفويه
واطير فيهم وأقلطهم وسط صدري

كم واحد تحسبه ماشي على النيه
وتلاحظ انك على النيه ولا تدري

......

قومي وفلّي جديلك فوق الامتاني
وتمايلي غِنج ردّي عيدي الكرّه

يا اندر واغلى علي من كل قيفاني
الشعر من قبل اعرفك ضامني بحره

مابغى في حبك معي يازين احد ثاني
فيك انت بالذات انا ما اقبل الخِشره

أخذت قلبك وانا أولى به بعد ماني
سلّمت لك قلب لا يعتب ولا يشره

......