فوق هام السحب ( الشعر الشعبي) على متن القوافي

خل اتكالك على اللي يعلم الخافي
خذ مابدا لك وخل اللي يخبونه

اليوم حتى الكريم الصادق الوافي
لابد في المجتـمع ناسٍ يسبونه

ماترضي الناس لو إنك عسل صافي
حتى العسل فيه ناسٍ مايحبونه


عبدالله الطلحي

‎

لاصرت ماتعرف حقوق الرياجيل
يالاجودي مالك على الناس شرهه

جنب وتنبيك السنين المقابيل
ويّبين وجه الوقت حبه وكرهه


حمود العصيمي

‎

ياشين شوف الدار من عقبهم شيناه
مداهيلهم ماشفت انا الزول يمشي به

والله لولا الصبر يوم اجحده واكناه
لاصيح واشلع مقدم الثوب وارمي به


......

المرجله تصعب على بارد الحيل
حسب الفتى ماهيب حسب الضروفي

وان جيت اشوف الفرق بين الرياجيل
يكفي ليامن شفت اصابع كفوفي


زامل السبيعي
‎

أنا والأيام شيل وحط من مبطي
بأحوالها بين منعدله ومنعاجه

الحظ يومٍ يصيب وسبعةٍ يخطي
وكم صاحبٍ غاب يومٍ كنت محتاجِه

لكن واثق بربي الرازق المعطي
عطاه يغني ومده يقضي الحاجه


النجم العالي

‎
‎

يا شيّن أساليب بعض الناس بالمجتمع
من يدّعون المثاليه وهُم يكذبون

يحذّرون البشر من الجشع والطمع
لكنهم فوق موضوع الطمع يسرقون

حديثهم عن سمات الخير يُبكي جمِع
وأفعالهم كل أبوها عكس ما يدّعون


النجم العالي

صامت ومن صمتي عرفت وتعلمّت
ان الـرجـال ابـحـور للـي عـبـرهـا

مـاكِـل هـرجـه لانـصـتـنـي تولمّت
ولاكِــل نـيّـه تــوزم اللي سـبـرهـا

اخــاف لامـنّـي زعـلـت وتـكـلـمّـت
اجـيـب وحـده عند ربي خـبرهـا


ابراهيم مرشود

‎

انا خوي اللي يبوج الخرايم
صميدعيً يلتهب كنه الذيب

حاسيه لاجات الأمور العظايم
حلحيل حلالً يحل المناشيب

عفيف نفسً مايدور و لايم
من شبته حتى غطا رأسه الشيب


حمود الجداعي

والله لا لولا امداريات العلومي
واحفظ قدم رجلي وثبت مواطيه

من خوف أزل ومن تعدا السلومي
تضيع هقواته و تضعف مباديه

وتبدي علي من الليالي ثلومي
وابعد عن اللي كنت أنا في حراويه

واخاف من كلمت مهوب محشومي
يفرح بها نذلً ضعيفه هقاويه


حمود الجداعي

مراحل حياه الادمي بالسنين دروس
لها يفطن العاقل ويجهل بها الجاهل

لاتحرص على الضيقه من الواقع الملموس
تجاهل ترى دنياك ماهيب تستاهل


عبدالهادي بن قنيفذ