فوق هام السحب ( الشعر الشعبي) على متن القوافي

نحب فعل الطيب ومزارق الطيب
وتكرم عن دروب الرخامه لحانا

ولا جاتنا زلة قريب محاضيب
نشوم عن هرج الردي ماعلينا


حمود العصيمي

‎

البنك بنك المراجل واكتساب ونعم
ماهوب بنك الدراهم جعلها ماتزيد

لو أن كلمة نعم ماعاد فيها طعم
تصرف لكل البشر طيب وملعون سيد


فلاح بن مشوط

‎

طرد المقفي عيب لوكان ابن عّم
من فّزلك لوّه من القوم قم له

من طاب لومابينكم لِحمه ودم
لاجاك ضايق يالعديم ابتسم له

طرد المقفي عيب لوكان ابن عّم
من فّزلك لوّه من القوم قم له

من طاب لومابينكم لِحمه ودم
لاجاك ضايق يالعديم ابتسم له


فلاح بن مشوط

‎
‎

لوكان حُب النـاس لِك فوق الخيال
وسمعتك بين الناس ياقوت وذهب

ولوكان لك منصب ولك عزوه ومال
ولوكان لك فالناس جاه ولك نسـب

احذر مريض النفس وخْبول الرجال
فالنّـاس تلقا كارهيـن ابلا سـبب

نقرأ ونكتـب ونتفنن فـي المقال
كـم واحدٍن يجهل وينسـٰى ماكتـب


حمود الذويبي

يـا مـن تـباطيت الفرج مامن بطى
عـلى اتـجاهات الفرج حث المسير

الله خـلـق و الله مـنع و الله عـطى
سـبـحـانه الـقـادر ولا غـيـره قـديـر

اللي جعل ليل الدجى ستر وغطى
مـاخاب مـن يـرجيه بـالثلث الأخير


سعد المخلفي

‎

اقـفـل ابـوابـك تـرا الايـام تـاتي بـالـهـبـايـب
وعرف اسبابك ترا جهلك يجيب الك الهزيمه

والحكيم اللي تـدارا قبل ياقع بالـمـصـايـب
يعرف اسباب الرداوالنفس من خلقةسليمه

ولا تصاحب جـاهـل افعاله ولو كنتو قرايب
اترك اللي يجهل اسباب الفعل فعله غريمه


تركي الحرازه
‎

دنياك ماتصفي ولا الناس يصفون
اصـــبر على وقتـــك بحلـــوه ومره

قلـــيل من يفـــزع ليا قلت تكفون
ويا كثـــرهم ما حـــركت فـــيه ذره

لا تشكـــي الدنيا ولا تطلب العون
الا من اللـــي خـــافــين عنك سره


ِتركي الحرازه

المراجل تبغي الرجل يلقفها لقف
لو هدومه مستعاره ورجله حافيه

والصحيب الي يجمل صحيبه لا وقف
ودنــابـــه مــثل مــاودنـــا بالــعافيه


عبود بن سعد بن جدلان

خلوني ارقد في مداهيل جرّاح
واحط لي وسط الطريق استراحه

يمكني ادله باقي الوقت وارتاح
لو كان مافي جور الايام راحه


عبدالله العير
‎

اختلف طبع الرفيق وبانت علومن خفايا
وصارت الطيبه ضعافه عند منهو يفتقدها

الذكي صار يتغابا والغبي قام يتذاكا
وراعي المنقود ينقد غير نفسه ماحسبها

والحكيم الي فهمها والرفيع الي تحاشا
والضعيف الي تحسس من كلامي وانتسبها


فيصل الحرقي