فوق هام السحب ( الشعر الشعبي) على متن القوافي

صباح آلأحترآم وخآلص آلود وآلتقدير
لكم كلكم وآللـه على آلخير يجمعنآ

عسى آلله يصحـح غلطة مآلهآ تبرير
وعسـى آلله يعدي كلمة مآلهآ معنآ

الله يـصبحـكم من الخيـر بالخيـر
ويكتب لكم طيب الحياه وسعدها

ويكفيكـم شـرور الـزمن والمقادير
ويـرزقـكـم الـجنـه و زايــد رغـدها

الصاحب اللي في نواياك شكّاك
ومن كثر ما بـررت لـه ما تطمّن

لو كنت تعتبره حزامك ويمناك
أترك مقامـه يـنـحـدر ويتطمّن

ماهو بشرط أنك تفسّـر نواياك
وخل الـذي يبغى يخمّن يخمّن


عبدالله حمد

‎

الليالي غـادرت بالقـرايب و الصّديق
كم قريبٍ ذاق فرقا قريبه و أصدقاه

لا تضايق وسّع الصدر و الدنيا حريق
من يفـكّر فالنّـوازل بيبطي في شقاه

ولا يردّك ما ترى من عوايق فالطريق
الجبل من ينظر أحجار سفحه مارقاه


عبدالله الشلوي

سبحانه اللي يزرع بذور المحبة فالقلوب
واليا عطى عبده قبول الناس جاته مقبلة

بعض الآوادم تقبله لو فيه شي من العيوب
وبعض الآوادم لو تحااول تقبله ما تقبله


......

ماتضيق صدور والدنيا وسيعه
والله أرحمْ بالعباد اللي خلقها

فارج الشدات مداته سريعه
كل نفسٍ من عطى جوده رزقها

يربح اللي يعبده وامره يطيعه
ويخسر اللي صد والدنيا عشقها

كل شخصٍ له مزاج وله طبيعه
والله الخلاًق وعباده فرقها


سعود الحربي

‎

صبرنا على قل الدراهم وكثر الدين
وحفظنا شيمنا عن اللاش و ازعاجه

نسلّف و حن متسلّفين و محتاجين
ونفزع لـ راع الحاجه وحن على حاجه


غريب الحبابي

المجد يبغى فعل والفعل يبغى ولد
كثر الحكي والمدايح ماتكبّر صغير

والياهرجت الحقيقه ماعلي من أحد
مايزعل من الحقيقه واحدً فيه خير


بدر العائذي

يالواحد المعبود رجواك والياس
ماهو لرحلة عمرنا في سفرها

خلقتنا من طين أنواع وأجناس
وقبورنا تعرف من اللي حفرها

يالله بعفوٍ منك ماهو من الناس
تمسح جميع ذنوبنا وتغفرها


مبعد الحوم

‎

باقي شرايد عز في بعض الوجيه
أغلب وجيه العز راحت بالقبور

قفوا هل الرأي المصوقر والوجيه
اللي بهم رأي المهمات مخبور

الله من عودٍ إليا ضقنا نجيه
من قبل لا تمسي ليالينا دبور


مبعد الحوم

‎