اخترنا لكم

‏دنياك ماهي بدايم وجها صافي
يجي لها يوم ماتعرف ملامحها

.....

تراني واذا غرّبت عنك ولو شرّقت
على درب غيرك ماخذا القلب منهاجه

يقولون بلقى لك شبيه بس ماصدقت
شبيهك على وضح النقى وقّف انتاجه

.....

تمرك العابرين وماتسلم عليك
إلا غريب طوته الأرض بسنينها

قال انت جالس لحالك تنتظر من يجيك
قلت انتظر نفسي اللي ما اعرف وينها

.....

‏ما ودي أنك تواخذني على إهمالي
‏أنا شعوري غريب وحرتي حرة

‏نفسية الشاعر اللي مالها والي
‏تزين وتشين فالساعة مية مرة

.....

شاورتني وانا بلا شور وياك
إرضاك بندٍ من بنود ارتياحي

وعتابي ومشروهي الصلف يفداك
لو ان مراحك ما يشابه مراحي

والله مافيني شده اقول وش جاك
انا مريض وتو ما صرت صاحي

لي مده مطفّي مواطير الادراك
ومسلّم شراعي لرغبة رياحي

والحمد لله وسلامتك واعفاك
صلاحك ابدى من رضاي وصلاحي

الله معك لو كان موضوع فرقاك
يبي دراسه من جميع النواحي

.....

الوضع له مده من العين معيوف
ياوقتي الحالي ووقتي هذاكا

انا نشبت بزحمه احلام وظروف
من كثرها نسيت كيف اتراكا

.....

خلوا الهايم يهوجس ويتمتع في هيامه
كل ماعادت به الذكرى وليل الحزن هوّد

والحبيب اللي كلام عيونه أكثر من كلامه
ودي أمسك كل لحظه في وصاله واتجوّد

في غيابك جالس أدوّر على نص ابتسامه
قال خايف قلت أخاف انك تروح ماتعوّد

.....

يا رب وأنا من عناي استجيرك
عبدك، وهاجدني من الضيق هاجد

طمَّاع في مغفرتك وجود خيرك
وفي خاطري حاجات ماهيب واجد

تغنيني من الحاجة اللي لغيرك
وأحيا على طاعتك واموت ساجد

آمين

طراة الحياة ولذة العمر لا سجيت
مع ارضٍ تسر النفس والعين شوفتها

ِفجوجاً تمد الشوف من حيث ما لديت
بعيداً عن ازعاج المدينه وضجتها

.....

فيني من الحزن ما ينزف على شفاهي
وفيني من الشعر ما ينزف مع العبّره

أحاول أعيش في الدنيا وأنا ساهي
لكن إذا صرت بالحالي وشهي الدبّره

.....