فوق هام السحب ( الشعر الشعبي) على متن القوافي

تخفي غرامك لـكـن الشوق فضاح
والحب ما يستر عـيـوب المحبين

واللي ابتلي بالحب وشلون يرتاح
لاصار عنده جرح واليوم جرحين

......

‏توسعوا يامدورين المشاريه
‏خذوا من ارض الله شبر واتركوني

‏من يسمع اول هرجكم عاف تاليّه
‏لكن قبل لا ترشدون أسمعوني

‏رضاكم الله لايحييه ما ابيه
‏والبعد عنكم مايحرك شجّوني

......

‏ماجيت لك بإحساس كاتب وشاعر
عاشق يردد إسمك بـ كل ليله

تعال فتّش بـ الورق والدفاتر
في كل صفحة ذكرياتك جميله

تعبت في غيبتك أعاني وأكابر
كل الليالي في غيابك ثقيله

ماانت بـ مجرد ضحكه وجبر خاطر
أكثر شعور به الحياه أنتمي له

......

ياللي تردد لبيه كل ماكلمتك
لبى عروقك ولبى قلبك وكلك

لبيه يامالك غلا قلب مغليك
لبيه مني تاصلك في محلك

......

‏انا لي ثلاث ايام والحال كنه اشلا
شليٍ بحال وحال ماهوب متشالي

سبايب وليفٍ كل ماشافني بـ اسلا
يعرّض علي ويقول حي الله السالي

......

ودي اسولف واكسر الصمت وقول
ابي وصالك بس كيف الطريقه

يالغلا ماشدك الشعر معقول
ماهزك احساس القصيد وبريقه

......

اللطف من الغيمه البيضا الى درت
واحلى من السكر اللي باخر الشاهي

ابسط وصايف غزال الريم لا مرت
تلّهي المنتبه و تنبه اللاهي

......

ضايقٍ من فراق وضايقٍ من تجافي
اتقوى وانا حالي دنى من مطيحه

يكذب اللي يقول ان المفارق عوافي
لا يحس بشعور ولا يعرف النصيحه

......

يا ويــل قلبي منـــك لاحــل طاريك
نفسي وهــي نفسي تشــك بـغلاها

أنسى اسامي الناس واغلط واناديك
قلبي معــك كـل الاسامـــي نساها

ياساكـن اعماقــي انا ميتن فيك
ومشاعــري بالقلــب حبك خذاها

وقلبي مولـع بك وهايـــم بطاريك
وروحي تحبـك حــب لاخـر مداها

......

تكلّمي صوتك يجيب العوافي
‏لا تسكتين الين تبرى المعاليق

‏قلبي على جال السواليف غافي
‏غافل عن همومه ولا وده يفيق

‏برد وكلامك ياصل الروح دافي
‏لحضة سعه في منتصف ليلة الضيق

‏سبحان من جابك وطن بالمنافي
‏ومن سخّرك لقليّل الحظ توفيق

......

‏‌