فوق هام السحب ( الشعر الشعبي) على متن القوافي

الصمت يغنيني عن القال والقيل
لاصار بعض القول كله سماجه

أصمت و كني مااجيد التماثيل
من خوف لا خبلن يكثر إزعاجه

صوته يلعلع دون فهم وتفاصيل
هو يحسبنك مندمج بندماجه

......

الحق ما كل المخاليق تبغاه
ما كل من شاف الحقيقه قبلها

ومن لارضي بالحق لا يهمّك رضاه
لو تزعله في كلمة الحق قلها

فرقاه عيد وراحتك يوم فرقاه
مكسبْك من بعض الاوادم زعلها

......

ترا ذكراكم في قلبي وتراهي
تخليني متأمل من حياتي ترا

طول طريق السفر انا لاهي
ياللي غلاكم في عيوني سرا

......

الله يسعـد لي مسـا هالتواجــد
اللي له بقلبي وقار وحشيمـــه

في موقعك عالم من الناس واجد
لكن حضورك غير وآللَّـہ يديمه

لاشفت نكك في الحضور متواجد
أحـس لحروفي وللشعـر قيمـــه


ذائقة

قالوا تحبه قلت لا والله أغليه
‏وترى الغلا فوق المحبة وزايد

‏لبيه من قلب يحبه ومغليه
‏دام الغلا في القلب فايض وزايد

......

‏انت لوحة عشق بعيوني رسمتك
كل م اغمّض أشوفك وسط عيني

وعن عيون الناس في قلبي حفظتك
كل م ينبض أحسّك انت فيني

......

اراقبك والقلب داخل حـــسابك
متا بنورك في عيــوني تـــبان

اخاف لو جيتك ودقيت بابك
ماعاد. تعطي من يريدك مكان

اقلق اذا شفتك مطول.غيابك
وارتاح لاشفت اتصالك كمان

احيان احس اني ملاحق سرابك
واحيان احسك لي بكلك امان

احيان ودي بس لمحه جـوابك
واحيان اقل قلبه احسه ملان

حاير متيم فيك ماذي جــرا بك
والخوف منك لو خسرت الرهان

......

‏لا ضاقـت الدنيا قل الحمد للـه
‏حتى ولو إنـك مـن الوقـت هايـم

‏ما خاب منهـو يحسن الظن باللـه
‏وما ضاق صدرن يذكر اللـه دايـم

......

‏وافي مع الوافي بكل المطاليب
‏على النقاء والطيب حبلك تمده

‏انت الكفو اللي يعرف المواجيب
‏والمحزم اللي بالمواقف نعده

......

لله درّي على الصبر و على الاعتياد
‏أواجه الوقت صلب وخاطري ما حكى

‏انا أكثر إنسان تشكي له قلوب العباد
‏وعلى كثر ما يواسيهم ما عمره شكى


......