فوق هام السحب ( الشعر الشعبي) على متن القوافي

الرسوم الناعمه والجمره المعسوله
والرموش الفارسيه والعيون الخدّر

والخدود اللي من ألوان الغسق مغسوله
والجبين اللي مثل ضي البدر لا بدّر

من بيوت المشيخه والرايه المحموله
والأصايل ما تحب إلا الحرار الندّر

......

اصـبـر عـلى اصحـابك ولابـد الايـام
تكشف لك الطيب ومتظاهر الطيب

موعـدك ويـاهـم عـلى الدرب قدام
لاتسبق الاحـداث مـاتـعـلم الغيب

اليا حصـلك فـالـزمـن شــدة حـزام
تكشف لك الشده جميع العذاريب

وقـت الرخى ماهـو مجـال للأحكام
سـواد لـيـلٍ ظـلـمتـه تستر العيب

......

يالله فرّج ضيق صدري إذا ضاق
واجعل مطاريق الحزن لاتجيني

والخير دايم في دروبي والارزاق
يااارب واغفر زلتي واقض ديني

......

‏تدري وش اللي غير الناس يافلان
شـرع المصالح وانعدام الصراحه

صرنا نجامل بالخطاء كـل غلطان
لين اكـثر الغلطات صارت مبـاحه

نمدح كـلام فلان من دون بـرهان
وفلان نجــرح بالتجاهل نجـاحــه

......

والله ماأنسى صاحب مانساني
لو طالت الغيبه وضاعت نواحيه

يبقى معي مابين قلبي وعيني
والنفس من بد المخاليق تغليه

وأنشد عن أحواله بعاصف سنيني
وأرتاح لازانت وطابت لياليه

......

‏الحرف حرفي والمعاني معانيك
والقلب قلبي والنبض فيك ينطق

يالي ملكت الروح بالحب اهنيك
ماغير حبك بالعشق صرت اعشق

......

من يقــول إن الغــلا حده حــدود
ومن يقول إن الهوى جامـل أحــد

جيـت لك بالوعـد با أحلى الوعـود
جيــت لــك بالشــوق واللهفـه بعــد

......

‏زرعت لك في داخل القلب احساس
ونثرت لك بالحرف عـذب القوافي

ياللي غلاك مخالطٍ عـذب الانفاس
يالله عساك لنبض روحي عـوافي

دامك سكنت الروح من بد ذالناس
شـعر الغـزل يزهاك والقاف وافي

......

والله أنك في ثنايا القلب ساكن
وان غلاك يزود فيني ويتطور

والمشاعر عن قدر حبك تحاكن
عن غلاتك فوق ماكنت امتصور

......

نسيم الشوق في ليلي ليامن هب
‏يفوح الطاري بـ ذكرْك شذا النوّير

‏حبيبي كل ما طرّف مجال الحب
‏أحبك والشعور أكبر من التعبير

......