اخترنا لكم

والله انك داخل الخفاق ساكن
من عرفتك وانت عندي كل شي

كل ما غنى ابو نوره الاماكن
انت والله بس من يطري علي

....

‏يا كل ظالم ترى حبلك قصير
إذا أصبح المظلوم جهـده في بكاه

اذا دعاء المظلوم في الثلث الاخير
وش حيلتك اذا استجاب الله دعاه

....

يارب يامن في يدك طب الاجراح
اجبر خواطـر في الضماير نكيده

وافتــح لنا بالخيــر يا خيـر فتاح
فيك الامل يا الله وفيك العقيده

آمين

‏افتح شبابيك الامـــل واطــرد الياس
وعيش عمــرك دون غصه وضيقه

مهما يضيق الوقـت وتزيد الاتعاس
لابـــد يفتــــح لك إلهـــي طريقه

ياخوك لاتجرح شعورك والاحساس
ولا تحتمـــل من فوق مالاتطيقه

خل السعاده داخلك دون مقياس
وعيش عمـرك كن عمرك دقيقه

....

‏بعض الغيـاب يعلمك كيـف تشتاق
وبعض الغيـاب يعلمـك مـن يودك

وانا ترى قلبـــي من الشـوق خفاق
والبال سارح طـول الاوقات عندك

وينك حبيبـي هدنـي كثــر الافراق
وكثـر البعاد وكثر هجـرك وصدك

ليتك تحــس بناري اللي بالاعماق
والله مــــا تبخــــــل عليـا بردك

....

‏أعطوا فقير الناس مما عطاكم
باسلوب ما يجرح حدود الكرامه

وان كان ما شاف الرجاء من وراكم
على الاقل تصدقوا بابتسامه

....

الـعز عـز الـروح مـاهـو بالامـــوال
والطيب طيب الذات رفعه وهامه

والفقر فقر الفــكر مـع مَــر الاجيال
يامن تحسب الفقر عيب ومـلامــه

....

‏الخاسر اللي خاسـرٍ دنيا ودين
اللي طريق الحق معطيه اظهره

والـرابـح اللي يتْبع الحـق المبين
يرجي العفـو من ربنا والمغفره

مهما تعيش وتاخذ شهور وسنين
نهايتك مـدفـون وسـط المقبره

....

‏كلام القفى فالناس ماهو رجوله
ياللي لسانك فالمجالس حصانك

أن كان ماحصلت هرجٍ تقوله
حاول بذكر الله ترطب لسانك

....

على الله جميع ارزاقــنا والرجاء بالله
‏وعبد ٍ رجـاء بالله ما خاب له رجــوى

‏كريم ٍ على عبــده ليامن طلبه اعطاه
‏وهو ملتجا المخلــوق لا صابته بلوى

‏نصلي له افروضه ونسجدله ونخشاه
‏نبي جنتـه يالله عســـاهــا لنـا مثـوى

آمين