فوق هام السحب ( الشعر الشعبي) على متن القوافي

أغازل الريح و أغازل ظلال الشجر
‏و أغازل الشمس و أقبّل جبين الصباح
‏
‏أدوّر الرزق من ربّي وأدوّر الأجر
‏و أدوّر النور في وجهك ووجهك فلاح
‏
‏أنا لو أشوف وجهك بعد طول الهجر
‏يمكن إني أطير لو مالله خلق لي جناح

....

‏كل الخساير عوضها عند رب الانام
واكبر خسارات خلق الله كراماتها

واهانة النفس عيب انكان ماهي حرام
وطرد المقفي علامه من علاماتها

....

‏عليك باللي يلحق القول بأفعال
والا الردي خله وجنِّب مساره

أنشهد أنه ما كذب واحدٍ قال
من لا يعدِك ربح عدّه خسارة

....

أنا كنت مثلك ضايع الفكر بين و بين
لين ان اغلب الاصحاب بانت روابعها

و من العام و أنا طايح ٍ في نظام ٍ زين
لا شفت العلااقه ما تناسب لي اقطعها

......

دلني يارب درب الهداية والرشاد
حالتي ماهيب زينه ولاتسعد عدو

مره احارب هواء النفس واخذها عناد
ومره اتبعها معا الي وراء انفسهم غدو

....

يالله اغفر لي ذنوبي قبل يوم التناد
لاسمعت العين تشهد والاعظاء اشهدوا

ودي اني زاهدً في حياة اهل البلاد
ابدويً يفعل الخير ويحب البدو

......

اعيش في فترة تصالح مع الذات ​
ما عشتها قبل كذا في حياتي​

شفني وانا مقفي ما احب التلفات ​
لو التفت ضيّعت كل امنياتي

....

ليت الهموم اللــي تجينا تولي
وليت الحزن يطري علا القلب ويروح

وليت المواجـــــع بالحشا ما تضلي
وليت الزعـل ياصاح مايسكن الروح

....

ليت السعاده في سمانا تِحلي
وليت الفـرح يملا سكنا والاصروح

وليت الاماني بالبشاير تهلي
وليت الحظوظ تهب لنا كل مملوح

....

بـابٍ يـجـيب الريـح صـكـه واستريح
واللي يـسـبب ضـيقـتـك خـله يـروح

خلك مع العالـم ومع نفسـك صـريح
واحرص على صدق العباره والوضوح

واعرف حقيقه ما يصح الا الصحيح
واللـي خـفى لازم بـه الـدنـيـا تـبـوح

......