فوق هام السحب ( الشعر الشعبي) على متن القوافي

لا تلومني لا جيت كلي من أقصاي
مافيـه غيرك لا تضايقت جيتـه

جيتك ولا غيرك ذكرته بمسـراي
جيتك وكل إنسان غيرك نسيتـه

جيتك وأنا ماني بـ أنا تايه الـراي
جيتك وأنا مدري وش اللي بغيته

....

بعض الرسائل خطها ينعش الروح
لاجات من غالي وقلبك يوده

تشفي عليل النفس ان كان مجروح
وتخلي اوقاته رخاء بعد شده

ترى الغلا ما بين الاثنين مسموح
ما احد تحكم في فؤاده بيده

....

عذرا من اصحابي الي خارج اللابه
انتم ونعم الحزام ان زاد بي همي

لكن ليا سولفو بالطيب واصحابه
تقول مافوق الارض الا بني عمي

....

‏والقلب لو يحكي حروفه بنبضات
نبرت وريـد القلـب جـاتك تنـاديك

ويــن التفت عنك ياضـو المجرات
غطيتني بالنـــور وشـلون اجازيك

....

‏خاويت بالدنيا خلايق وفارقت
‏انا الوحيد اللي لنفسي بقالي

‏ماني بمحتاج البشر لاتضايقت
‏اقدر اكمل نص عمري لحالي

....

اومن برب العيون الناعسات الوساع
‏سلهامها ياخذ العشاق لـ ابعد مدا

‏سهوم نظرتك ما يقدم عليها شجاع
‏حتى لو انه من اللي ينطحون العدا

‏لعيونك معرضٍ عمري لـ درب الضياع
‏واللي بقى منه واللي راح جعله فدا

‏احنك من الوداع ومن جروح الوداع
‏مثل ما احن الرفيق الطيب من الردى


....

‏ندري إن الوقت دوّار و اللي فيه فيه
‏و المواقف درس و السبت قافيه الأحد

‏إن صفت الايام فـ ابرك و هذا اللي نبيه
‏و كانها عيّت فـ الايام ما تصفي لحد

....

‏ان طعتني لاعاد تشره على الناس
مـن جاك رحب بـه ومـن راح خله

لا تجرح الغالي ولا تقطع الياس
واضحك ولـو بالقلب ستين عله

لا تنقل الهرجه ولا تصير بـلّاس
حتى ولـو تملك عليها الأدله

واحذر تصير انسان ضايق وحساس
وتـبـالـش الـعـالـم عـلـى كـل زلـه

....

‏مهما فعلت الطيب في واحد وراح
الطيب مع هالوقت كيف ايتوافق

الناس بالغيبه لها هرج وصياح
وكلن على شكله ونوعه يرافق

حتى الكفو ما عاد خلوه يرتاح
لا طاب قالو والله انّه منافق

‎
عبدالله بن هندي

كنت الامان بـ وجه حزنك وخوفك
‏وكل دربٍ يودّي لـ فرحك ادلّه

‏لو انّي ما احبّك واقدّر ظروفك
‏ماكان سامحتك على كل زلّه

....