فوق هام السحب ( الشعر الشعبي) على متن القوافي

‏قمة الاخـلاق والذوق الرفيع
لاتركت الكـبر وأرخيت الجناب

وأعتبرت الخلق في عينك جميع
كلهم لادم وادم من تراب

....

الحال مادامت لحرمه ورجال
وايامنا مابين بسمه وحزينه

لكن املنا بالذي يعلم الحال
والنفس ماكسبت تكون الرهينه

....

‏ياما فقدنا تحت عوج النصايب
واللي فقدناهم على القلب غالين

من بعد فرقاهم تهون المصايب
لوكثرت الاحزان ما تدمع العين

وان ادري ان الحزن ما رد غابب
لاكن على ما قدّر الله راضين

....

‏يآ كثر من خانوآ المحبه ومآ خنت
‏و يآ كثر من عالجتهم و إطعنوني
‏
‏من كثر خذلاني تمنّيت مآ كنت
‏طيّب مـع أشخاص ما قدّروني

....

‏عليك الغلا مردود يالغايب الموجود
‏سوالفك غابت غير طواريك ما غابت

‏غيابك حضور له بصدر البيوت شهود
‏ وش اللي يغيب ضحكتك و الغلا ثابت

‏أحنك مثل ما أحن وجهي من المنقود
‏وأعدك ليا عديت الأيام وش جابت

....

‏هل تسأل الليل وانجوم السماء ساعي
اسأل عليك كل نجمه في السماء وينك

شبيته النار ياغايب في أضلاعي
وأنهيته الود ما بيني وما بينك

يرقى بدايت شعري وأ خر أبداعي
ماودي أذكر لحد زينك ولا شينك

الله معك روح ماشي للعتب داعي
يدي لك ألله من قدك ومن طينك

....

‏إنس الهموم وبدل الحزن بـ افراح
إضحك و ثقل الهم بـ الصبر تقـواه

هلل و كبر واذكر الله يا صاح
محدن فـ هالدنيا نصيبه تعداه

....

‏ياليل كان الشوق موْصاً به وصاة
‏طمّن حبيب الروح لو كان خافي

‏علّم قرير العين لا يطلب اثبات
‏دام الغلا مفضوح نبض وقوافي

....

‏ظنيت فيك المحبّه واختلف ظني
‏وصيتك تصون حبي لك وضيعته

‏حبيتك ولا هقيت ان الخطأ مني
‏عصيت عقلي وقلبي معك طاوعته

‏كنت أحسب اني سعيد الحظ يوم اني
‏فتحت لك بابي المُغلق وشرّعته

....

ياطير يلي على غصن الشجر غـرد
قل الحبيب المغيب ليه يجفاني

كم يارسـاله عطيته مابعث لي رد
في غيبته يعلم الله زادت اشجاني

يازين وين المحبه وين ذاك الود
ارفق بحالي فديتك لا تـناساني

شفت الحلاء في عيونك رمشها ممتد
تشبه سراياء عساكر وسط ميداني

ماقلت غير الحقيقه ربنا يـشهد
مامثلك الله خلق في الأنس والجاني

يازين خـذني معـك وانا معك باسعد
مانفترق ياحبيبي طول لأزماني

بعدك علي نار يحرق جمرها الكبد
شبت لضاه على قلبي وشرياني

حبك ذبحني ونار الشوق تتوقد
والله مانساك كون الموت ينساني

فاالعين تالي زماني عافت المرقـد
مشغول بالي ونوم العيـن ماجاني

اعـد ليام والسـاعات لجلك عــد
ماتدري ان العمر ياصاحبي فاني

متى التقي فيك قلي ياجميل الخـد
ليتك تحدد مكانك وين تـلقاني

في غيبتك ياالقمر ليلي ضلام اسود
غبـتي وغـاب البـدر يانـور لعـياني

....